ღ]¦[ الحَلَقَه رَقَمْ (3 ) .. شادي ]¦[ღ [الأرشيف]

MaRTeN

03-13-2009, 07:03 PM

http://i26.tinypic.com/95vfh1.gif

مع ضيف جديد من ضيوف حلقات ( كرسي الاعتراف )

المدير العام

( شادي)

حروفه قطرات من عبير المطر

وكلماته درر كالبلور المنثور

وانفاسه تعزف المشاعر بـ اناقة ورقي

في هذه الحلقة سنقترب من روحك الجميلة ،

ونكتشف زوايا من شخصيتك لم ندركها من قبل..

شخصيتك الرائعة ، تجبرنا ان نعرف عنها المزيد ..

.
.

فأهلا بيك معنــا

][ .. كوجاك .. ][

03-13-2009, 07:09 PM

اهلا وسهلا بيك

يا شادي

ومشكووووووووور مارتن عالاختيار

يسلمووووووووووووو

" حـنآيآ الرgح •●}"

03-13-2009, 07:18 PM

اهلين

شادي منور المكان

ياهلاااا

,,,,,,

MaRTeN

03-13-2009, 07:30 PM

أسئلة عامة

1- اسمك وسنك عنوانك ؟؟ حنفتح محضر يؤ يؤ يؤ

2- اذكر خمس اعضاء يعتبرو شعلة المنتدى ؟؟؟

3- شو هدفك في الحياة ؟؟؟

4- الأكلة المفضلة ؟

الشراب المفضل ؟

الفنان المفضل ؟

الفنانة المفضة ؟

القسم المفضل في المنتدى؟

لؤلؤة جلاسيرا

03-13-2009, 09:24 PM

يا هلا بشادي

منور الكرسي

ان شاء الله برجع أسألك

المارد

03-13-2009, 11:27 PM

اهلا و سهلا بيك يا حج شادي

لي رجعة يا مان

راح اهلكك اسئلة ههههههههههههههههه

EL CaPo

03-14-2009, 10:32 AM

يسلموا حبيب قلبي يا مارتن

وبتشكرك على المقدمة الروعة

وان شاء الله بكون عند حسن ظنكم

وبجاوب على كل اسئلتكم ...

وشكرا مرة تانية يا مارتن ..

EL CaPo

03-14-2009, 10:33 AM

كوجاك ، حنوووون ، لؤلؤة و المارد

اهلا وسهلا بيكم

وانا بإنتظار اسئلتكم ...

EL CaPo

03-14-2009, 10:41 AM

- اسمك وسنك عنوانك ؟؟ حنفتح محضر يؤ يؤ يؤ

اسمي : شادي

عمري : 20

عنواني : رفح تل السلطان -حي كندا واهلا و سهلابيكم ههههههههههه

2- اذكر خمس اعضاء يعتبرو شعلة المنتدى ؟؟؟

ممممممممممم

المارد .. لؤلؤة .. عاشقة .. اورجينال .. ذكرى

وكل الاعضاء والله نااااااار ..

3- شو هدفك في الحياة ؟؟؟

انهي دراستي وانال رضى اهلي و ربي ...

4- الأكلة المفضلة ؟

السمـــــــــــــك

الشراب المفضل ؟

القهوة "سادة"

الفنان المفضل ؟

ستيفان سيغال

الفنانة المفضة ؟

نيكول كيدمان

القسم المفضل في المنتدى؟

كل المنتدى .. بس بحب الحوار والنقاش .. و الصور ..

EL CaPo

03-14-2009, 10:41 AM

ويسلموا يا حج مارتن ع الاسئلة الحلوة هاي ...

ذكرى قلب

03-14-2009, 11:12 AM

مرحبآآآآآآآآ شادي

ازيك مبسسسسسسسسسسوووووط معنا اكييييييييد

أنا بدي منك شوية شغلات

1_ لو ما كنت بيوم مدير أو ما بتحب المديرية عالمنتديات
أي قسم بتختار تكون مشرف عليه ؟؟ وليه ؟؟؟

2_أكتر عضوة بتحس أنها قريبة منك بالمنتدى ؟
واكتر عضو ؟؟

3_ عمرك حلمت بحدا من المنتدى داخل حياتك كدا من غير لا سلام ولا كلام
وصار قريب منك كتير بس لهلأ ما تعرفت عليه ؟

4_ لمن تقووول أو تعطي هذه الكلمات والألقاب

عضو/ة طال غيابه عن المنتدى

عضو/ة نشيط جداً بالمنتدى ويستحق التقدير

عضو /ة طيب كتييييير وحباب

عضو /ة بتحب تحكي معو لما بتكون متدايق كتيييير

5_سؤال اخير بحب اعرف اجابتو

ههههههههههههههههههه

شو اكت رأغنية بتحبها ؟؟

يلا الي عودة تاني

ذكرى

ذكرى قلب

03-14-2009, 11:16 AM

لالالالالالالالالالالالالالالالالالالالا

لالالالالالالا يا شادي لا تستهين باسئلتي أنا شايفة أنو ما حدا حط أسئلة غيري

أنا هرجع بأسئلة نار هههههههههه

هية لعبة ولا لعبة

منور يا شادي

][ .. كوجاك .. ][

03-14-2009, 11:19 AM

ههههههههههه

اسألتك حلوة اكتير ذكرى

وبالراحة عالواد

عضمه لسه طري

بمزح

شادي قدها واقدود
يلا وريهم يا شادي كيف شادي ومين هو شادي

][ .. كوجاك .. ][

03-14-2009, 11:27 AM

مرحبا شادي

اسئلتي هي :

1- شو أصعب المواقف اللي مريت بها ؟

2- س شو موقفك من الحب ؟؟ وهل جربته ؟؟ هل تأمن بوجوده ؟؟

3- هل ندمت فحياتك على شي معيّــن ؟؟؟

4- أحب قصيده أو خاطره كتبتها او قرأتها؟؟؟

5- ما الشيء الذي يثير في نفسك حب الكتابة ..؟!!

حبيبي يا شادي
بس هي اسئلتي
ولي عودة اكيد
بأسئلة جديده

Sew@r

03-14-2009, 11:44 AM

مرحبا شادي :):)

كيفك ان شا الله تمام

اسئلتي لليوم هيا ...

مآ الصفـه الي تطلق عليـك غالبـاً؟؟

مستحيل انساك لمين بتقولها؟؟

اذا اردت ان تبكي.. على من ستبكي؟؟

هل تعترف بشيء اسمه صداقة بين الرجل والمراة؟؟

اغمض عينيك لدقيقة لو سمحت.. ماذا خطر على بالك وانت مغمض؟؟

ان شا الله ما اكون تقلت عليك بالاسئلة

الى رجعة اكيد

عاشقة الاحزان

03-14-2009, 01:57 PM

اهلا وسهلا

شادي

منور الحلقة يا مان

يلا وينك عليك اسئلة كثير تعال جاوب

ولالي رجعة مع اسئلتي

عاشقة الاحزان

03-14-2009, 02:21 PM

مرحبا شادي وهاي اسئلتي

1_ شو اكثر موقف محرج مريت فيه بحياتك؟

2_ شو اكثر موقف مفرح مريت فيه بحياتك؟

3_ هل حبيت ؟ وكيف كانت قصة حبك؟

4_ من اعز انسان لالك بالدنيا؟

5_ من العضو اللي بتحسه قريب من افكارك؟

6_ من العضو اللي اول ما تفوت بتحب تلاقيه موجود وعضو واحد وما تتهرب من الجواب مش ميشانك المدير هههههههههه؟

7_ احكي رايك بصراحة عن عاشقة الاحزان؟

يلا هاي اسئلة بسيطة جدا جدا جدا

ولالي عودة

EL CaPo

03-14-2009, 03:11 PM

1_ لو ما كنت بيوم مدير أو ما بتحب المديرية عالمنتديات
أي قسم بتختار تكون مشرف عليه ؟؟ وليه ؟؟؟

الحوار والنقاش ...

2_أكتر عضوة بتحس أنها قريبة منك بالمنتدى ؟
واكتر عضو ؟؟

اكتر عضوة : سوسو علي بحس طباعها متلي

اكتر عضو : الكوجاك حبيبي

3_ عمرك حلمت بحدا من المنتدى داخل حياتك كدا من غير لا سلام ولا كلام
وصار قريب منك كتير بس لهلأ ما تعرفت عليه ؟

ممممممممممممممممم لا اعتقد كلكم اخوة إلي مش اكتر ..

4_ لمن تقووول أو تعطي هذه الكلمات والألقاب

عضو/ة طال غيابه عن المنتدى

عضو/ة نشيط جداً بالمنتدى ويستحق التقدير

مممممممممممممم

انتي يا ذكـــرى

عضو /ة طيب كتييييير وحباب

عاشقة الاحزان

عضو /ة بتحب تحكي معو لما بتكون متدايق كتيييير

الكوجاك

5_سؤال اخير بحب اعرف اجابتو

ههههههههههههههههههه

شو اكت رأغنية بتحبها ؟؟

شرين .. نسيني ..

EL CaPo

03-14-2009, 03:18 PM

1- شو أصعب المواقف اللي مريت بها ؟

فراق حبيبتي يا كوجاك ما انت عارف يا حج

2- س شو موقفك من الحب ؟؟ وهل جربته ؟؟ هل تأمن بوجوده ؟؟

الحب اروع شي بالحياة ..

واكيد جربته ..

ايمان تااااااااااااااااام

3- هل ندمت فحياتك على شي معيّــن ؟؟؟

نعم ... اكيد ..

4- أحب قصيده أو خاطره كتبتها او قرأتها؟؟؟

خاطرة انا كتبتها بعنوان " رحل ولكن لماذا "

رحل .... ولكن لماذا ؟!

أضأت شمعتي وجلست ...

أحضرت فنجان القهوة وجلست ...

فتحت الدفتر

امسكت بالقلم

هل تعرفين لماذا كل هذا .. ؟!

جلست لاكتب كلام يعبر عن حبي

فبدأت كلامي بكلمة " احبك "

ولكن حين نظرت لها ... قلت ما هذا ؟!

أهذه تكفي ؟؟

أهذه تعبر ؟؟

لا ... و ألف لا

ما هذه الكلمة ؟؟ ماذا تعبر ؟؟

هل تصف بحور الحب والعشق في قلبي

لا أعتقد ذلك ..!

ولكن يا الله ...

ماذا في كلام البشر يصف حبي ؟

ماذا في كلام البشر يعبر عنه ؟

لا أجد الكلمة التي تصف

لا اجد الجملة اللتي تعبر

جلست ساعات و ساعات أكرر في هذه الكلمة ..

أكتبها ألف مرة...و مرة

لعل عددها الكبير يصف ..

او حتى يوحي بما في قلبي

ولكن

دون جدوى

لا يعبر ... و لا يشفي غليلي معنى هذه الكلمة

أٌ فقها الضيق ..

اجده بكل ما فيه من معنى لا يفي بالغرض

فماذا أفعل ؟؟

أأشق عن قلبي ؟

فأدع لدمي حرية التعبير

ليكتب ما يشاء على صفحات الدفتر

لعله يتقن لغة لا اعرفها

فيكتب بها ...

فيكتب بها ليعبر عما في قلبي من إحساس

نعم ... نعم .... هذا ما سأفعل

ولكن يا لحظك العاثر

إن فعلت هذا ... ستقرأي

ستقرأي أحساس شخص راحل

رحل لانه لا يملك من الكلام ما يصف به حيك

فلم يملك إلا ان يترك لقلبه و دمه حرية التعبير

5- ما الشيء الذي يثير في نفسك حب الكتابة ..؟!!

مممممممممم ما شي محدد

ساعة صفـــا بس

EL CaPo

03-14-2009, 03:22 PM

مآ الصفـه الي تطلق عليـك غالبـاً؟؟

عصبـــــي

مستحيل انساك لمين بتقولها؟؟

لعمري ... ::حبيبتي::

اذا اردت ان تبكي.. على من ستبكي؟؟

الله لا يجيب بكى يا سيوار ..

هل تعترف بشيء اسمه صداقة بين الرجل والمراة؟؟

نعم .. فالصداقة لا يحدها الجنس .. او اللون

اغمض عينيك لدقيقة لو سمحت.. ماذا خطر على بالك وانت مغمض؟؟

حياتي بعد ما اخلص دراستي ... شو راح يكون معالمها ..

EL CaPo

03-14-2009, 03:30 PM

1_ شو اكثر موقف محرج مريت فيه بحياتك؟

ممممممممممم

ابو شب صاحبي كنت عنده بعد ما كان يعرفني

سأل الشب بعد ما روحنا مين الشب الحلو اللي كان معك ... هههههههههههههههه

بدكوا اكتر من هيك احراج ....

2_ شو اكثر موقف مفرح مريت فيه بحياتك؟

لما حكتلي حبيبتي بحبـ.......ـك

3_ هل حبيت ؟ وكيف كانت قصة حبك؟

نعم حبيت .. كلها مشاكل مع ذلك كانت روووووعة

بس يا خسارة انتهت .....

4_ من اعز انسان لالك بالدنيا؟

امي ... اكيد

5_ من العضو اللي بتحسه قريب من افكارك؟

ســـوســــو علي ..

6_ من العضو اللي اول ما تفوت بتحب تلاقيه موجود وعضو واحد وما تتهرب من الجواب مش ميشانك المدير هههههههههه؟

عاشقة الاحزان ..

7_ احكي رايك بصراحة عن عاشقة الاحزان؟

طيوبة و حبوبة

بحترمهما و بقدرها

و بعتبرها متل اختي .. وبفرح بطلتها هون

ومش عارف المنتدى من دونها كيف راح يكون ..

لكي مني كل الاحترام و التقدير خيتووووووووو

عاشقة الاحزان

03-14-2009, 03:38 PM

يسلمووو شادي ع اجوبتك

بجد في غاية الروعة

ويسلمو ع رايك فيا

عاشقة الاحزان

03-14-2009, 03:56 PM

عدنا............

1 _هل تمنيت في يوم ان تكون بنت ؟؟ ولماذا؟

2_ماهو رأيك في البنت اللي تلبس لبس غير محتشم؟

3_هل تجذبك البنت اللي ابوها مليونير؟او غني؟؟

4_هل من الممكن ان تخطب فتاة ليست من بلدك؟

5_هل من الممكن ان تتزوج فتاة اكبر منك سنا؟

6_هل تفضل الزواج التقليدي ام الزواج عن حب؟

7- من تكون المراه التي تقف امامها ضعيفا؟ولماذا؟؟

8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟

عاشقة الاحزان

03-14-2009, 03:57 PM

هاي اسئلة بسيطة وان شاء الله تكون خفيفة عليك.

يلا بانتظار اجوبتك

EL CaPo

03-14-2009, 06:07 PM

1 _هل تمنيت في يوم ان تكون بنت ؟؟ ولماذا؟

لا طبعا ... انا بحمد الله لكوني من جنس ادم وليس حواء

لاني بحس حياة البنات تفتقد للتشويق ... والحرية ...

2_ماهو رأيك في البنت اللي تلبس لبس غير محتشم؟

احتقرهـــــا ..لقوله صلى الله عليه وسلم" كاسيات عاريات مميلات مائلات لا يدخلن الجنة ولا يجدن ريحها" ..

3_هل تجذبك البنت اللي ابوها مليونير؟او غني؟؟

لا طبعا .. لانو الفقر او الغنى لا يعيب ولا ينقص الفتاة ..

4_هل من الممكن ان تخطب فتاة ليست من بلدك؟

ممكن ليش لا ...

5_هل من الممكن ان تتزوج فتاة اكبر منك سنا؟

حسب النصيب ... المكتوب ع الجبين لازم تشوفه العين ..

6_هل تفضل الزواج التقليدي ام الزواج عن حب؟

من اللي عشته اكيد بفضل التقليدي ...

7- من تكون المراه التي تقف امامها ضعيفا؟ولماذا؟؟

امي ... وقفت احترام و ليس ضعف ... لاني ما بضعف إلا امام الله ...

8_ماهو رد فعلك عندما تصارحك بنت بحبها قبل ان تصارحها انت؟وما هو رأيك فيها ؟

اذا كنت بحبهاراح احكي شعوري بصدق .. وانا بحترم الجرأة عند كلا الجنسين شب او صبية ...

][ .. كوجاك .. ][

03-14-2009, 08:20 PM

يسلمووووووووو شادي

عالاجابات الرائعة

يسلموووووو يا مان

ذكرى قلب

03-15-2009, 03:38 AM

ذكرى قلب

03-15-2009, 03:40 AM

وهاي أسئلتي

شكلو لازم كل يوم تتصبح بأسئلة مني

غلبناك استحملنا

1_(الحب , الوطن , الأنثى )عبر عنهم بثلاث كلمات بحياة شادي؟؟؟

2_السعادة عمرها ضاعت منك بشي يوم أو لسبب ما ؟؟؟بتحس حالك هلأ سعيد؟؟؟

3_الحزم والقيادة باي جزء بحياة شادي بيغيبو وباي جزء بيظهرو ؟؟؟

4_الاعتذار من حق مين بحياة شادي ؟؟؟؟ وشو سبب هالاعتذار ؟؟؟

5_القدر أخذ منك عزيز بيوم(ممكن يكون أبعدو بس) وحسيت انو حياتك انتهت بعده ؟؟

ولي عودة أكييييييييد

بالتوفيق شادي

تلميذة الأيام

03-15-2009, 11:46 AM

مســا الخيرات شادي
كيفك ؟؟
منور واللهي

وهادي اسئلتي

1-أ-حسب رأيكـ ما الفرق بين الحب والصداقـة ..؟

ب- وهل يمكن للصداقـة أن تتخذ مجرى الحب ..؟

2-أ- ما رأيك بالغيرة في الحب ..؟

ب - يمكن للصداقـة أن تسلك طريق الغيرة كما الحب ..؟

ج- أيهما أعمق في نظركـ الحب أم الصداقـة ..؟

3- كثيراً ما نسمعهم يقولون افتح قلبي وستجد به ...
من في قلب شادي
" شخص"..؟

4- يقولون جميـ ع الطرق تؤدي الى روما ..
طريق شادي الى أين يؤدي..؟

5- لمن تهب ابتسامتكـ ...؟

6-الضعف
طبيعي ان يجتاح حياتنا بغض النظر عن الظرف..
متى احسست به .. ذكر الموقف..؟

7- التجارب هي أساس الحياااة ..
أ- ما هي التجربـة التي كان لها أعظم الأثر في حياتكـ ..؟
ب- تجربـة عندك استعداد خوضها مرة أخرى..؟
ج- تجربـة تتمنى خوضهاا ..؟

8- حينما ينتابكـ شعور فرح عارم .. أول شيء تفعله..؟

9- أكمل
لا أجيد ......
ولكني أجيد .......

بيكفي لهون هلأ
الي عوده بإذن الله
ويعطيك العافية سلفا

EL CaPo

03-15-2009, 04:55 PM

يسلموا حبيبي كوجاك

انت الاحلى والله ...

EL CaPo

03-15-2009, 05:31 PM

1_(الحب , الوطن , الأنثى )عبر عنهم بثلاث كلمات بحياة شادي؟؟؟

الحب : احلى الايام بحياتي عشتها وانا معك يا حبيبي

الوطن : افديه روحي و لا افكر اتردد

الانثى : النصف التاني ولا غنى لي عنه ..

2_السعادة عمرها ضاعت منك بشي يوم أو لسبب ما ؟؟؟بتحس حالك هلأ سعيد؟؟؟

من منا يملكها الكل في رحلة بحث عنها قد تأتي معه يوم او اثنين

لكن ان يملكها طول الدهر هذا محال ...

والحمد لله انا هلا سعيد اكيد لاني بينكم انتوا ...

3_الحزم والقيادة باي جزء بحياة شادي بيغيبو وباي جزء بيظهرو ؟؟؟

مممممممممممممم

انا بعتقد اني شخصية قيادية .. لكن لا افرض نفسي على المجموعة

لكن احاول ان اكون بالطليعة في كل المواقف ...

وغالبا ما بعاني من مشاكل بسبب الصفة هاي ..

4_الاعتذار من حق مين بحياة شادي ؟؟؟؟ وشو سبب هالاعتذار ؟؟؟

من حق من اخطأت معهم اما كأشخاص معينين لا يفرض علي الاعتذار للشخصية و لكونها

تمثل شيئ بحياتي و لكن ما يفرض اعتذاري هو خطأي ..

5_القدر أخذ منك عزيز بيوم(ممكن يكون أبعدو بس) وحسيت انو حياتك انتهت بعده ؟؟

للوهلة الاولى نعم

لكن بعد ما عدت حساباتي لقيت انو الدنيا ما راح تقف تستنى شادي

لا هيك هيك راح تمشي .. فكانت النتيجة اني حاولت والحمد لله نجحت بإسترجاع حياتي

EL CaPo

03-15-2009, 05:34 PM

وشكرا كتير إلك ذكرى

على الاسئلة الرائعة

متــــــلك

][ .. كوجاك .. ][

03-15-2009, 06:12 PM

يعطيك العافية يا شادي

واجابات حلوة اكتير

انا ما بدي اسئلك

لان الصبايا قيمات بالواجب وزياده

قلب المحيط

03-15-2009, 07:40 PM

مرحبا يا عسل ......

منور كرسي الاعتراف

**لكل إنسان لحظات يختنق فيها إلى درجة الهلاك..
فماهو أكثر شيء يؤلمك.....؟؟

**لو رجعَ بكَ الزمنُ إلى الوراء ، فما الأمورُ التي تود ُ أن تحققها بعد أن ندمت َ حاليا على أنك ضيعتها من بين يديكَ؟

**ما أصعبُ موقف ٍ مرّ عليك في المنتدي ؟، وماهو الموقفُ الذي تتمني أنكـِ َ لم تفعلهـ ؟ ، وما هي أقربُ موضوع إلى نفسكَ مما كتبتِ َ؟

**حكمة تتخذها شعارا لك في الحياة

**ماهى اصعب ذكرى بقلبك؟؟

تحياتي ليك

لؤلؤة جلاسيرا

03-15-2009, 07:48 PM

اه والله يا كوجاك ما ضل اسئلة اصلا

زهرة الثلج

03-15-2009, 08:00 PM

شادي يا شادي

بدي اسئلك كم سؤال وخلاسي هههههههه

بدي اعرف شو سر الشوكلا ( الجالكسي) ؟؟

كم جلاكسي أهديتك ( انا بسال للبنات بس )؟؟

اخر حبة شوكلاة متى اهديتها لوحدة (اوعك تكزب :) ) ؟؟

وف الختام اتمني لك التوفيق ههههههههههههههههه

MoHaMeD

03-15-2009, 08:20 PM

يسلموااااااااا
شادي اجابات حلوة كتير
ويارب يفضل يومك سعيد دايما

اخوك محمد

EL CaPo

03-15-2009, 09:06 PM

سوري يا جماعة

بتأخر بالإجابة

بس والله النت عندي تعيس

بيجي يوم بالسنة هههههههههه

وهلا دور اسئلة انثى ...

EL CaPo

03-15-2009, 09:07 PM

1-أ-حسب رأيكـ ما الفرق بين الحب والصداقـة ..؟

الصداقة حب بتفاني للصديق ..

اما الحب : فاهو حب الاماني و الرجاء للحبيب ..

ب- وهل يمكن للصداقـة أن تتخذ مجرى الحب ..؟

بين حوا و ادم ... ممكن ان تنتهي بشيئ من الحب

يكون ناجم عن الاعجاب بالاخر ..

2-أ- ما رأيك بالغيرة في الحب ..؟

الغيرة لها حدود اذا تعدتها احرقت كل ما يحوم حولها ..

ب - يمكن للصداقـة أن تسلك طريق الغيرة كما الحب ..؟

اكيد الصديق بيغار على صديقه لصالحهم هم

ما بكون الهدف او الغاية الحسد ..

ج- أيهما أعمق في نظركـ الحب أم الصداقـة ..؟

الصـــــــــــــــــداقـــــــة

3- كثيراً ما نسمعهم يقولون افتح قلبي وستجد به ...
من في قلب شادي
" شخص"..؟

بالرغم مما فعلت بي لا ولن يسكن القلب غيرها ،،،

4- يقولون جميـ ع الطرق تؤدي الى روما ..
طريق شادي الى أين يؤدي..؟

اتمنى ان يقودني لخير ديني و دنياي و رضا ربي و والداي

5- لمن تهب ابتسامتكـ ...؟

لكل غالٍ على قلبي ...

6-الضعف
طبيعي ان يجتاح حياتنا بغض النظر عن الظرف..
متى احسست به .. ذكر الموقف..؟

عندما فقدت اغلى انسان من بين يدي ولم استطع ان امسك به بيدي اللتي كانت تلامس

يده بالرغم من قصر المسافة لكن العوائق كانت كبيرة ..

7- التجارب هي أساس الحياااة ..
أ- ما هي التجربـة التي كان لها أعظم الأثر في حياتكـ ..؟

بعتبر حياتي كلها تجارب و بتعلم من كل يوم و بحاول طور بشخصيتي

بحدود قدراتي .. اما تجربة معينة لا اذكر يا انثى

ب- تجربـة عندك استعداد خوضها مرة أخرى..؟

هي مش تجربة لكن مرحلة بحياتي بتمنى اني ارجع اعيشها تاني و تالت ...

وهي مرحلة الثانوية لانها اجمل ايام عمري ..

ج- تجربـة تتمنى خوضهاا ..؟

الــــزواج لكي اكون صريح ...

8- حينما ينتابكـ شعور فرح عارم .. أول شيء تفعله..؟

البسمة كـ ردة فعل مبدأية ثم بعد ذلك ما يتطلبه الموقف

ممكن تصل لدرجة اني ارقص ههههههههه

9- أكمل
لا أجيد الحب
ولكني أجيد الاخلاص في الحب ..

EL CaPo

03-15-2009, 10:54 PM

انتي اللي نورتي والله يا قلب المحيط

كنت راح ازعل منك لو ما شفت طلتك الحلوة ..

لكل إنسان لحظات يختنق فيها إلى درجة الهلاك..
فماهو أكثر شيء يؤلمك.....؟؟

االفــــــــــراق و لوعة الشـــوق

**لو رجعَ بكَ الزمنُ إلى الوراء ، فما الأمورُ التي تود ُ أن تحققها بعد أن ندمت َ حاليا على أنك ضيعتها من بين يديكَ؟

ان اعيش الحب مرات و مرات و مرات ... وان اتفاني في الاخلاص فيه ...

**ما أصعبُ موقف ٍ مرّ عليك في المنتدي ؟، وماهو الموقفُ الذي تتمني أنكـِ َ لم تفعلهـ ؟ ، وما هي أقربُ موضوع إلى نفسكَ مما كتبتِ َ؟

اصعب المواقف التي مررت بها بالمنتدى عندما حاولت احدى اعمدة المنتدى ترك المنتدى .. ولم ارتاح حتى علمت انها لن تفعلها ..

واحب المواضيع إلى قلبي خاطرة رحل ولكن لماذا ؟؟!!

**حكمة تتخذها شعارا لك في الحياة

علمتني الحياة ان لا اعيش الوهم حتى لو قتلتني الحقيقة ..

**ماهى اصعب ذكرى بقلبك؟؟

مممممممم

فراق اغلى النــاس

EL CaPo

03-15-2009, 10:56 PM

ولنــا عودة غدا ان شاء الله

زهرة الثلج

03-16-2009, 04:30 AM

يعني ما بدك تجاوب ع اسئلتي

شكلوا بينك وبين الجالكسي ثار كبير ههههههههههههه

$ملآآك ودموعي هلآآك$

03-16-2009, 10:54 AM

اهلا وسهلا فيك يا شادي ع الكرسي والله يعينك عليه

عندي شوية اسئلة الك ويا ريت يعجبوك >>>ههههههههههآآ

1- شو تعريفك للحب بمفهومك الخاص ؟؟؟

2- شو رأيك بالاختلاط بين الشباب والبنات بجميع اشكالو ؟؟

3- شو مواصفات الفتاة اللي بتتمنا انها تكون من نصيبك >>>من دون خجل ؟

4- شو الالوان المفضلة عندك ؟

5- لو صار وانو اتاحت الك الفرصة تعيد قصة حب ..... بتوافق ولا بتكون رافض الموضوع بسبب الفشل الاول؟؟؟

تحياتيـــــ

EL CaPo

03-16-2009, 12:00 PM

بدي اعرف شو سر الشوكلا ( الجالكسي) ؟؟

لا سر ولا شو مجرد وعد و لازم اوفي فيه

بعدين مش خسارة في الناس اللي بتستاهلها ... ههههههه

كم جلاكسي أهديتك ( انا بسال للبنات بس )؟؟

مممممممممممممممم سر ما بجاوب

اخر حبة شوكلاة متى اهديتها لوحدة (اوعك تكزب ) ؟؟
مشان ما اكزب ما راح جاوب

بس كانت لاختي الكبيرة ...

EL CaPo

03-16-2009, 12:01 PM

ولا تار ولا شي يا زهرة ..

بس انتي عارفة القصة لشو السؤال ...

EL CaPo

03-16-2009, 01:26 PM

1- شو تعريفك للحب بمفهومك الخاص ؟؟؟

احلى احساس جربته بحياتي .. وعلى فكرة يا ملاك انا لليوم مش لاقي تعريف

او كلمات تعبر عن هذا الشعور .. بس كل اللي بقدر احكيه انه رووووووعة ..

2- شو رأيك بالاختلاط بين الشباب والبنات بجميع اشكالو ؟؟

الاختلاط ضمن الحدود و الظوابط في العمل او الدراسة لا يفسدها لكن اذا تعدى ذلك

واستغل من الطرفين لتنفيذ سلوكيات مخلة بالأدب العام يصبح اكبر فساد

انا بشكل عام ما بحبه ...

3- شو مواصفات الفتاة اللي بتتمنا انها تكون من نصيبك >>>من دون خجل ؟

اولا الدين ..

ثانيا: الاخلاق

بعد هيك الجمال ... لانه انا ما بدور ع الجمال إلا جمال الروح و الاخلاق

وبحب البنت خفيفة الدم ضحوكة السن واثقة الخطى ...

4- شو الالوان المفضلة عندك ؟

الاحمر .. الاصفر .. الازرق .. البني ..

5- لو صار وانو اتاحت الك الفرصة تعيد قصة حب ..... بتوافق ولا بتكون رافض الموضوع بسبب الفشل الاول؟؟؟

مممممممممممم

ممكن لو لقيت الحب اللي يعوضني احاول اعيشه

لكن السؤال هل راح ألقاه ام لا ؟؟؟!

عاشقة الاحزان

03-16-2009, 02:59 PM

اجوبتك في غاية الروعة يا شادي

والله انك حوت ههههههه

EL CaPo

03-16-2009, 03:09 PM

ولو يا بتول

بإنتظار أسئلتك ..

لو حابة

ههههههههههههههههه

imported_فارس الحسناء

03-16-2009, 03:19 PM

حبيب ألبي شاتي

منور

i'll be back

الماجيك

03-16-2009, 04:20 PM

ضيفنا لهذا الأسبوع يعترفُ بأنَّ الصداقةَ

أكبر وأعظم الاختراعاتِ الإنسانيةِ علىَ الاطلاق ..

فوَجَدَ نَفْسَهَ وَحِيْدَة كقاربٍ صغيرٍ فَقَدَ مَرْسَاهُ

فَمَضَىَ تتَلاطمُهُ الأمواج حتَّىَ شَارَف علىَ الغرق

فكانتِ الصداقةُ وحدها شاطىء النجاة له

فهو جزء لا يتجزأ منها

فاستأذَنَهَا أنْ ترسو بأمانٍ علىَ شاطئِها الحنون ..

هو دعامة أساسية من دعامات هذا القصر ..

بدونها يختل توزانه ويفقد هيبته ..

ضيف عنوان التميز

ورمزه الإبداع

إنسان ذات شخصية محبوبة

شخصية جميلة ورائعة

مميز في ردوده

رائع في حضوره

يحمل في قلبه روح الجد والمرح

هدوؤه يشعرك بالهيبة

ليعطر بجماله مواضيعه و ردوده

اصبح جزء لا يتجرأ من بداية القصة

جوهرة يضيف بريقا من نوع خاص ينعكس على كافة الأعضاء ..

فلا عجب أن احتل مكانة في قلوب الجميع ..

فهو فراشة رحالها في أرجاء المنتدى ..

ولا ترحل دون أن تخلف وراءها لوحة جميلة ..

وعبق يفوح بشذا عطرها الأخاذ ..

فاستحق أن يرتدي تاجا مطرزا بالورود ..

ليكون ملك في عالم البساتين ..

فأخذ من كل بستان زهرة ..

وزرعها لنا بكل حب وعطاء

http://www.kuwaitup.net//up/uploads/3832-8716-9627.gif

SH@DI

http://www.kuwaitup.net//up/uploads/3832-8716-9627.gif

واسئلتي ليكـ ,,,,

1 . ماذا تحب أو تكره في شخصيتك؟

2 . ماهو شعورك حينما تصبح وحيدا؟

3 . متى تكره أن تواجه الحقيقة ؟؟ ولماذا ؟؟

4 . ما هو الشيء الذي تعتقد يميزك عن كل الناس؟

5 .مقلب من احد الاصدقاء ؟

مممممممم

لي عودة يا مان

مريانـا

03-16-2009, 06:01 PM

هلا شادي منور
انا عندي كم سؤال بدي تعطيني وجهة نظرك فين؟

مريانـا

03-16-2009, 06:02 PM

[quote=هلا شادي منور
انا عندي كم سؤال بدي تعطيني وجهة نظرك فين؟[/quote]

الأمنيه التي تتمناها بحياتك؟؟؟؟

أصعب موقف بحياتك مريت فيه!!!

هل ندمت على شي في حياتك؟؟!!!

اذا كان معك ثلاث وردات لمن تهديهم!!!!

طالع رحلة بريه مين بتأخذ معك؟؟؟؟

اذا قال لك حد معين انا أكرهك ماذا تقول له؟؟؟!!

هل كذبت كذبة كبييييرة في حياتك؟؟؟؟

شخصية تعتز بها ولم تقابله؟؟؟؟

كم مرة حبيت بحياتك!!!!

زهرة الثلج

03-16-2009, 08:39 PM

marshal

03-16-2009, 09:42 PM

شادى والله وقعت

انا هلأ مو فاضى الوقت متاخر

بس راح اسطلك أسئلة

جهز حالك

ههههههههههههه

marshal

03-16-2009, 09:44 PM

أول سوال على الماشى

شو رايك فى بنات الدفعة

والتانى شو رأيك بالحب

والتالت جربتوا ولا لأ
وادا جرتوا شو اسم الى حبيتها

ولسا

فى كتييييييييييييييييير

$ملآآك ودموعي هلآآك$

03-17-2009, 10:19 AM

يسلمو ع الاجابا ت الصريحة

بس الي سؤال تعليق ع جواب انتا جاوبتو

1- ما دام انك ما بتحب الاختلاط بشكل عام... شو السبب اللي خلاك تفوت جامعة الازهر مع انو فيه جمعات تانية وموجود تخصصك فيها ؟؟؟

2- لو بكرة الله اكرمك وحبيت تخطب ... بتحب يكون خطوبتك وارتباطك تقليدي ولا حاب تعيش قصة حب قبل؟؟؟

3- شو اكتر اسم بنت وولد بتحبو ؟؟

4- شو اكتر عضو وعضوة بتعزو او بتعزها ؟؟؟

5- بتآآآآمن بالحب ع النت ولا بتعدو لعب اولاد صغار ؟

واليوم بيكفي هيك

لي عودة بازن الله

MaRTeN

03-17-2009, 12:59 PM

يسعد مساك شادي

واهلا وسهلا بكل الاعضاء

بس بدي احكي كم كلمة بعد اذن شادي

انو يعني مفروض الي يفوت يسأل هون يكون قرأ قوانين القسم

وفي القوانين ممنوع تسأل اكتر من خمس اسئلة الا بعد ما يجاوب الضيف على الاسئلة الاولى

وانا حاسس انو الضيوف ابيتدايقو من كتر الاسئلة

فياريت نلتزم بالقوانين

تحياتي

رهين الفراق

03-17-2009, 01:28 PM

على فكرة انا هجرت الموضوع هاد ..

وما سالت عاشقة ..

راح اسئلك هلا يا شادي ..

اولا .. متى يبكى شادي ..؟!

ثانيا.. هل جربت طعم الهجر من انسان غالي ؟!

ثالثـا .. ما مدى رضاك عن نفسكـ ..؟!

رابعا .. ما هى النظرة التي ينظر بها شادي تجاه بنات اليوم ..؟!

خامســا .. كلمة مرادفة لمعنى لحياتكـ ...

EL CaPo

03-17-2009, 01:33 PM

تسلم حبيبي والله يا ماجيك

بتشكرك ع زوئك و ع كلامك الحلو

وبتمنالك كل التوفيق والنجاح يا رب ...

EL CaPo

03-17-2009, 01:40 PM

اما بالنسبة للاسئلة

1 . ماذا تحب أو تكره في شخصيتك؟

بحب ثقتي بنفسي و تطلعي للافضل دائما

لكن بكره شي زايد عن حده عندي و هي الطيبة

لانو الزمن هاد ما بده هيك ...وبكره عصبيتي كمان بتنمى ارتاح من

الصفتين ...

2 . ماهو شعورك حينما تصبح وحيدا؟

مممممممممممم

شعور صعب بجد لكن الحمد لله المواقف المماثلة قليلة بحياتي

لانو ربنا ماليها علي بأعز و اغلى ناس ع قلبي اللي هم صحابي ..

3 . متى تكره أن تواجه الحقيقة ؟؟ ولماذا ؟؟

لا اكره مواجهة الحقيقة نهائيا .. و سبق و قلت انو حكمتي هي

علمتني الحياة ان لا اعيش الوهم حتى لو قتلتني الحقيقة ..

4 . ما هو الشيء الذي تعتقد يميزك عن كل الناس؟

ممممممممممممم

مش حكمي هاد هاد بيرجع للناس شو بحكموا على شادي

اما انا بحس حالي نورمال بيرسون ... طبعا بغض النظر عن القدرات الشخصية

اللي من ربنا ...

5 .مقلب من احد الاصدقاء ؟

ييييييييييييييي

كتار والله يا ماجيك

لما اتزكر واحد بحكيه هلا ما في ببالي ولا واحد ..

EL CaPo

03-17-2009, 01:49 PM

هلا خيتو مريانا

نورتي انتي والله ...

ان شاء الله راح اعطيكي رأيي بكل صراحة ...

الأمنيه التي تتمناها بحياتك؟؟؟؟

بالي يرتاح من اللي شاغله يا بنار تحرقه .. يا بـ....

أصعب موقف بحياتك مريت فيه!!!

مممممممم حكيته قبل هيك يا مريانا ..

هل ندمت على شي في حياتك؟؟!!!

مممممم مش عارف بس ممكن غلطة وحيدة بس

حبيت وحدة ما بتستاهل ...

اذا كان معك ثلاث وردات لمن تهديهم!!!!

امي

صديقي العزيز محمود " مش المدير " واحد تاني ..

شريكة حياتي .. مستقبلا ..

طالع رحلة بريه مين بتأخذ معك؟؟؟؟

ممممممممم ولا حد بحب الصفا والراحة واكون وحيد بلاخص عند البحر ..

اذا قال لك حد معين انا أكرهك ماذا تقول له؟؟؟!!

احاول فهم السبب لكن لا اضمن تصرفي بعد ذلك .. لكن راح احاول اكون

هادئ جدا على قد ما اقدر ..

هل كذبت كذبة كبييييرة في حياتك؟؟؟؟

مش فاهم السؤال ... بس من ناحية الكذب اكيد كذبت

شخصية تعتز بها ولم تقابله؟؟؟؟

شخصيات كتيرة .. منها اعضاء عنا هون نفسي اشوفهم

واتشكرهم على مجوداتهم الجبارة ...

كم مرة حبيت بحياتك!!!!

مـــرة واحــــــدة

EL CaPo

03-17-2009, 01:52 PM

خلص بطلت اسألك

بعدين منا كمان ف مقام اختك الكبيرة ان ما كنتش عمتك :) ههههههههه

للعلم بس يعني

لا تعطي لاي بنوتة جالكسي بالزبيب او الرز المنفوش

الز شوكلا الي سادة ههههههههههههههههههههههههههه

ليش يا زهرة بطلتي تسألي

بس انا كان قصدي ليش الاحراج وانتي

عارفة القصة ههههههههههههه

وبعدين منكم نستفيد بقصة الشوكلا ...

بنعدل المعلومة هههههههههههه

واكيد انتي متل اختي الكبيرة وكلمتك ع راسي من فوق ..

EL CaPo

03-17-2009, 01:55 PM

شو رايك فى بنات الدفعة

هههههههههههههه هاد سؤال يا راجل

ما انت اكيد عارف رأيي واذا مش عارف

حكيتلك اياه اليوم بالجامعة انا هههههههه

والتانى شو رأيك بالحب

اكيد رووووعة و احساس كتير راقي ...

و حكيت كلام مفصل بالموضوع قبل هيك يا مارشال ..

والتالت جربتوا ولا لأ

نعم عشته يا باشا ...
وادا جرتوا شو اسم الى حبيتها

وحياتك ههههههههههههههه انت عاقل ولا شو ..

EL CaPo

03-17-2009, 02:04 PM

1- ما دام انك ما بتحب الاختلاط بشكل عام... شو السبب اللي خلاك تفوت جامعة الازهر مع انو فيه جمعات تانية وموجود تخصصك فيها ؟؟؟

دخلت الازهر لانها الخيار الوحيد المتاح امامي

ولاني بحب اي شي بمد لفتح بصلة ,,, و كمان انا لفيت جامعات

القطاع كلهم جامعة جامعة ما حسيت ولا جامعة فيها جو الصحبة و الدراسة مع بعض

إلا بلازهر ... وغلطانة يا خيتو اذا فاكرة اني دخلت الازهر مشان الصبايا اللي

فيها او مشان الاختلاط ...

2- لو بكرة الله اكرمك وحبيت تخطب ... بتحب يكون خطوبتك وارتباطك تقليدي ولا حاب تعيش قصة حب قبل؟؟؟

حكيتلك يا ملاك انو انا مش رافض للحب و ما برفضه لو اجاني بس ما راح اغلط

الغلطة الاولى وحب انسانة هيك لكن لو وجدت الانسانة اللي ببالي ما راح ارفض اكيد

3- شو اكتر اسم بنت وولد بتحبو ؟؟

بنت : شهد وان شاء الله راح سمي بنتي شهد ..

وصبي : محمد ع اسم البابا .. لاني بحب الاسم هاد كتير

4- شو اكتر عضو وعضوة بتعزو او بتعزها ؟؟؟

كلهم اخواتي و اغلا عندي من حالي .. بتمنى اني انال رضاهم كلهم والله ..

5- بتآآآآمن بالحب ع النت ولا بتعدو لعب اولاد صغار ؟

الحب حب لو كان كيف ما كان المهم يكون حب حقيقي ع النت ع البريد ع اي شي ..

طول ما الطرفين بحبوا بعض شو ما كانت تكون الوسيلة بس اهم شي يكون الصدق و الاخلاص

مرافقي الحب الوحيدين ..

EL CaPo

03-17-2009, 02:06 PM

وعلى فكرة خيتو ملاك

اسئلتك قمة في الروعة .,,,,

EL CaPo

03-17-2009, 02:07 PM

تسلم حبيبي ما رتن

والله الاعضاء شغالين شغل جامد

انا ما بحب اكسفهم و اطنش الاكتر من خمسة

بس بتمنى ان يلتزموا

EL CaPo

03-17-2009, 02:18 PM

اولا .. متى يبكى شادي ..؟!

لم ابكي منذ ان عرفت معنى البكاء إلا في مواقف نادرة

واغلبها الفراق ... واكثرها على نفسي ...

ثانيا.. هل جربت طعم الهجر من انسان غالي ؟!

نعــــم للأسف ..

ثالثـا .. ما مدى رضاك عن نفسكـ ..؟!

الحمد لله الفترة الاخيرة راضي بشكل كبير

رابعا .. ما هى النظرة التي ينظر بها شادي تجاه بنات اليوم ..؟!

استغراب و استهجان .. لاغلب البنات .. واحترام لفة قليلة ..

خامســا .. كلمة مرادفة لمعنى لحياتكـ ...

الـــحـــيــــرة

marshal

03-17-2009, 07:49 PM

شادى الزيك أول شى

شو خيوا ليه مو مجاوب على اسألتى بشكل واضح

شادى شو رأيك بالزواج؟

أمتى ناوى تتجوز؟

شو بتحب اتكون مواصفات سعيدة الحظ؟

شو رايك الحب بيجى بعد الخطوبة ولا قبل

والخامس والأخير

شو عامل فى المنفصلة؟

هههههههههههه

تحياتى

بس لساتوا فى أسألة

dedo

03-17-2009, 08:21 PM

مممممم شادي هون

تخيل دخلت هون خصوصي مشانك هههههههه

المهم خلينا نبداا

1_ اول شي شو رئيك بالشاب الي بيدخن وهل هو صح ولا لا ..؟؟
لو اه يبقى اه لو لا
شو رد فعلك لو لقيت اخوك الزغير بيدخن وقلك مهو انت بدخن ...؟؟

2_اكيد انت بتحب صحابك عاوز رئيك ب

... تشارلي

... مارتن

... ديدوو

وبصراحة

3_ انت بتايد الافصاح عن اسرار حياتك يعني بتحب انو تحكي لصحابك همومك ولا
بتحب تكتم بقلبك

شكرا كتير ل الاك وحرجعلك تاني

ح كحرتك يبني
هههههههههههههههه
باي

marshal

03-17-2009, 08:42 PM

ديدوا الله ينكبك ين المحشش

انا قولتلك شادى على كرسى الأعتراف

بس ما تشفروا كدا

منتا عار ف الى فيها

صحيح معك دخان

ههههههههههههه

صمت الجروح

03-17-2009, 10:04 PM

مرحبا شادي مبروك عليك الكرسي

عاشقة الاحزان

03-21-2009, 12:05 AM

يلا رجعت بشوية اسئلة

1) كيف بتشجع البنت يكون لبسها؟
2)هل ترضى لاختك ما ترضاه لنفسك؟
3) هل تشجع الصداقة بين الرجل والمراة لنفسك؟
4)هل تشجع نفس علاقة الصداقة لاختك؟
5)شو اكثر شيء بحزنك بالدنيا؟
6)ماهو الموقف اللي بيتنزل دمعة شادي؟

EL CaPo

03-21-2009, 09:33 AM

شادى شو رأيك بالزواج؟

الزواج استقرار و راحة بال بس مسؤولية كبيرة ...

أمتى ناوى تتجوز؟

لما يجي النصيب يا مارشال

شو بتحب اتكون مواصفات سعيدة الحظ؟

حكيتها قبل هيك يا مارشال ..

شو رايك الحب بيجى بعد الخطوبة ولا قبل

مممممممم

مش قاعدة ممكن يكون قبل و ممكن يجي معها ويكون ناتج عن التعارف الطرفين ..

والخامس والأخير

شو عامل فى المنفصلة؟

قاعد بجاوب عليكم و بلخص فيها .. ههههههههههههه

EL CaPo

03-21-2009, 09:38 AM

المهم خلينا نبداا

1_ اول شي شو رئيك بالشاب الي بيدخن وهل هو صح ولا لا ..؟؟

اكيد صح ,, ليش ما يدخن ,, انا معروف هون و في الشلة من انصار الدخان هههههه

شو رد فعلك لو لقيت اخوك الزغير بيدخن وقلك مهو انت بدخن ...؟؟

انو يدخن ما براجعه اما لو حبيت احكي معه و حكالي انت بدخن و فرض حاله علي

راسه بكسرها .. و على فكرة انا ما إلي إلا اخو واحد و اصغر مني بسنة يعني حكمي عليه بالنصيحة بس ..

2_اكيد انت بتحب صحابك عاوز رئيك ب

... تشارلي

... مارتن

... ديدوو

ايش يا عم ديدو انتو كلكم اصحابي واكيد بحبكم و الاحترام اللي بينا ما محتاج احكي عنه ولا شو رأيك انت ..

3_ انت بتايد الافصاح عن اسرار حياتك يعني بتحب انو تحكي لصحابك همومك ولا
بتحب تكتم بقلبك

مو كل شي و مش لاي حد من اصجابي .. واكيد في شغلات لازم تكون خاصة بالواحد ..

EL CaPo

03-21-2009, 09:47 AM

اهلا وسهلا فيكي يا عاشفة ..

1) كيف بتشجع البنت يكون لبسها؟

الزي معروف و ما بتخالف لكن بحب البنت تهتم بحالها

ويكون زوقها حلو بالبس واختيار الالوان و ما تخبي جمالها بألوان

ما بتتناسق مع بشرتها و شغلات متل هيك ...

2)هل ترضى لاختك ما ترضاه لنفسك؟

شو يا بتول من اي ناحية قصدك ..

ولو من الناحية العامة اكيد الواحد بحب لاخته كل شي حتى اكتر ما بحب لحاله

3) هل تشجع الصداقة بين الرجل والمراة لنفسك؟

حكيت قبل هيك بموضوع الصداقة يا عاشقة ..

4)هل تشجع نفس علاقة الصداقة لاختك؟

ممممممممم حددي شوي يا عاشقة يعني كبف ما فهمتك ..؟

5)شو اكثر شيء بحزنك بالدنيا؟

حكيت الفراق ...

6)ماهو الموقف اللي بيتنزل دمعة شادي؟

اكيد اكتر موقف محزن وهو الفراق .. بس فراق اللي حبوني مش اللي حبيتهم انا ..

لانو اللي بحبك اغلى ع قلبك من اللي بتحبه ..