... الحَلَقَه رَقَمْ ( 1) :: M7mo0oD ... [الأرشيف]

MaRTeN

02-27-2009, 12:52 PM

http://i30.tinypic.com/20k7q4k.gif

صباحكم / مسائكم معطر برائحة المسك والعنبر

هنا نفتتح هذا القسم

مع أول ضيف من ضيوف ( كرسي الاعتراف )

بدأنا معا ... لنفتتح هذا المنتدى ...

حتى استضيفه هنا الآن ...

المدير العام

M7mo0oD

بتلات من الورود جمعها قلبه

وجنات الربيع احتضنت روحه

مارس المرح على اكف الفرح

لـ يرسم الحلم حقيقه .. لا خيال ..

صديقي وأخي

تحيه بـ وشاح من ازهار الياسمين

اهلا وسهلا بك في أول حلقة من حلقات كرسي الاعتراف

لـ روحك جنات من حروف الحب والموده ..

رهين الفراق

02-27-2009, 12:58 PM

محمـــــود ..

امممممممممممم

يعني هلحين يا مارتن كل عضو يسئـل محمود 5 اسئلة بس ..؟؟

تحياتي واختيارك راااائع

..رهيــــ[[ــن الفــ]]ــراق ...

MaRTeN

02-27-2009, 01:00 PM

بعض الاسئلة العامة

1 اسمك

2 عمرك وتاريخ ميلادك

3 مستواك التعليمي

4 هواياتك

5 تمتلك فحمة صغيرة وامامك حائظ ابيض ماذا تكتب

MaRTeN

02-27-2009, 01:07 PM

رهين اقرا الشروط

والي ابتسأل عنو في الشرط هادا

3- يمنع طرح العضو لـ اكثر من ( 5 ) اسئله للضيف في المره الواحده .. ويسمح له بالرجوع مره اخرى للسؤال ..

بس يعني مش سبعين مرة الواحد يسأل

ما ابدنا انتقل على الضيف

تحياتي

Mr. M7MOOD

02-27-2009, 01:11 PM

MaRTeN

اخي وحبيبي انت

تسلم على المقدمه الرائعه

ولاختياري لاكون احد رواد هذا الكرسي

واتمنى بان اكون بكامل صراحتي معكم

لك مني اجمل التحيات

Mr. M7MOOD

02-27-2009, 01:17 PM

بعض الاسئلة العامة

1 اسمك

محمود

2 عمرك وتاريخ ميلادك

21/4/1989

يعني 20 الا شوي

3 مستواك التعليمي

جامعه الازهر
مستوى ثانوي
اداره اعمال

4 هواياتك

بحب اكتب خواطر واشعار ولكن مش شاعر يعني

بحب الرياضه وكره القدم خصوصا ممارسه ومتابعه

بحب اسمع اغاني وبحب الهدوء والرومنسيه

5 تمتلك فحمة صغيرة وامامك حائظ ابيض ماذا تكتب

يــاربــ

تحياتي لاسئلتك اخي

قلب المحيط

02-27-2009, 02:34 PM

اهاااااا وانا رح اسالك هلا وبتمنى تجاوب بكل صراحة

1 "من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"
ما رأيك في هالحكمه ،، و هل هي صحيحه ؟؟

2 اعظـــــــــــم جــــــــــرح دفنـــــــــتـه؟؟

3 كيف تداوي حزنك ؟؟

4 هل تنسى الإساءة بسهوله؟؟

5 لو عندك ثلاث رصاصات..من تقتل بها ؟؟

EL CaPo

02-27-2009, 02:43 PM

وانا راح اسألك :

1- ما تعريفك لكل من :

الحب

الصداقة

العاطفة الصادقة

2- احكي عن محمود في جمل بسيطة

3- معك يوم كامل : 24 ساعة " مع من تحب ان تمضيه ؟؟

لؤلؤة جلاسيرا

02-27-2009, 03:41 PM

اهاااااااااا
حلو يا مارتن

يلا جاوب يا محمود
رجعالك بالاسئلة

Mr. M7MOOD

02-27-2009, 03:59 PM

اهاااااا وانا رح اسالك هلا وبتمنى تجاوب بكل صراحة

1 "من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"
ما رأيك في هالحكمه ،، و هل هي صحيحه ؟؟

هي صحيحة بس غاطئه انو نعمل فيها بس شو نعمل الظروف بتحكم

2 اعظـــــــــــم جــــــــــرح دفنـــــــــتـه؟؟

حبي الاول وانتهى واتحلل وخلص خالص

3 كيف تداوي حزنك ؟؟

بالفرح بدور على اكتر شي يفرحني احكي مع حد او اشكي لاي حد

4 هل تنسى الإساءة بسهوله؟؟

مش دايما

بس امحو السيئه بالحسنه بردو بيكون افضل

5 لو عندك ثلاث رصاصات..من تقتل بها ؟؟

من لايعرف معاني الحب

محدودين التفكير

الخيانه

تحياتي ليكي قلب المحيط

وبتمنى اني اكون جاوبت بصراحه

Mr. M7MOOD

02-27-2009, 04:23 PM

وانا راح اسألك :

1- ما تعريفك لكل من :

الحب

هوا شعور صادق نابع من القلب لا توجد به شوائب الحياه من كره وحقد

قكل معانيه هي حبا ورقه وامان ودفئ وحنان ولكنه نادر الوجود والاحساس به

الصداقة

هي اجمل شعور ممكن ان يحصل عليه الانسان هديته من ربه لان الصديق هوا روح للانسان ولا يمكن الاستغناء عنه مهما حدث

العاطفة الصادقة

احساس نابع من دقات القلب

يجري بالشرايين بين عروقك ودمائك لانه شعورا تحس به بكل جوارحك

ويخرج منها اصدق انواع الحب والعاطفه الرقيقه

2- احكي عن محمود في جمل بسيطة

أنا قلبا حرا

فالحب من ربي والكره من ربي

لا نفاق ولا خداع ولا كذب

وأنا اختار طريقي بيدي

واتامل بالخير لجده

وانظر إلى تحت أرجلي قبل أن انظر أمامي

وان بيوم لم استطع إسعاد نفسي لن ابخل على غيري بإسعاده

3- معك يوم كامل : 24 ساعة " مع من تحب ان تمضيه ؟؟

ممممممممم اكيد مع اصحابي لاني ما بحس بالراحه الا بينكو والله يا شادي

حبيبي يا مان

تحياتي ليك ولاسئلتك الحلوه

دمت بكل خير

][ .. كوجاك .. ][

02-27-2009, 04:27 PM

يا عيني عليك يا محمود
والله بتقول
تسلم يا صاحبي محمود
ربنا يخلينا لبعض
وما يحرمنا من بعض
وما يفرقنا غير الموت

ديــــالا

02-27-2009, 04:36 PM

اهلا وسهلا خيوو

رح اسالك كم سؤؤال

*. ماهى امنيتك فى الحياه؟

*في مرة حبيت بجد ؟ وهل حبيبتك معنا في المنتدى ؟

* في هذه اللحظة ما الذي تتمناه؟

*مكالمة تليفونية اجتك من من تتمنى ان تكون؟

خلاص بيكفي

" حـنآيآ الرgح •●}"

02-27-2009, 05:11 PM

[COLOR="black"]مرحبااااااا

انا عندي 3 اسئله بـــــــــــــــــــس

ههههههههه

السؤال الاول

:

هل ندمت فحياتك على شي معيّــن ؟؟؟

السؤال التاني

:

فمارايك بفكرة كرسي الاعتراف ؟؟

السؤال التالت

:

شو المكان اللي ماتحب تروحله ابد لكن تروحله وانت مغصوب ؟

وبــــــــــــــــــــــــس[/COLOR

حماده

02-27-2009, 05:20 PM

موضوع حلو كتيييييييييييير

يسلمو يا مارتن

محمود

اخويا

ههههه

سؤال واحد بدي اسألك اياه

بتحبني ؟؟؟؟

وبس

هههههههههه

Mr. M7MOOD

02-27-2009, 09:09 PM

اهلا وسهلا خيوو

رح اسالك كم سؤؤال

*. ماهى امنيتك فى الحياه؟

امنيتي اني اخلص جامعه واشتغل بسرعه بعد الجامعه

وكمان اني ارتاح واضل مرتاح طول عمري

*في مرة حبيت بجد ؟ وهل حبيبتك معنا في المنتدى ؟

اعتقد اني حبيت بجد وهي موجوده بالمنتدا

بس هلا العلاقه منتهيه يعني

* في هذه اللحظة ما الذي تتمناه؟

اتمنى يسير اللي ببالي بالجامعه

*مكالمة تليفونية اجتك من من تتمنى ان تكون؟

مممممممم ما بعرف مافي حد معين
خلاص بيكفي

يسلمو ديالا عالاسئله الحلوه

تحياتي ليكي

Mr. M7MOOD

02-27-2009, 09:16 PM

مرحبااااااا

انا عندي 3 اسئله بـــــــــــــــــــس

ههههههههه

السؤال الاول

:

هل ندمت فحياتك على شي معيّــن ؟؟؟

[color="red"]اني مادرست منيح بالثانويه العامه

واني وثقت بناس ما بستاهلو

السؤال التاني

مارايك بفكرة كرسي الاعتراف ؟؟

كتير حلوه ومميزه بس بتمنى انو يكون الكل صريح فيها

السؤال التالت

شو المكان اللي ماتحب تروحله ابد لكن تروحله وانت مغصوب ؟

ممممممم ناس قرايبي ما بعرفهم كتير او يعني مالي اختلاط فيهم كتير

بس بروحهم وكتأديت واجب

وبــــــــــــــــــــــــس[/color

يسلمووو اورجينال على الاسئله الخفيفه والحلوه

تحياتي ليكي

Mr. M7MOOD

02-27-2009, 09:20 PM

موضوع حلو كتيييييييييييير

يسلمو يا مارتن

محمود

اخويا

ههههه

سؤال واحد بدي اسألك اياه

بتحبني ؟؟؟؟

هههههههه شو حماده محسسني انو انتا مش ابني انا انا مش ضناك

تيب يا حجي اول حاجه عارف انك بتسال هاد السؤال من قله الاسئله

وانتا بتعرف اني بحبك كتير وانو انا وانتا جزء واحد بالبيت

لهيك بدك مخالفه على هيك سؤال مني ههههههههه

حبيبي يا مان

ههههههههههههه

ما تعيدها تاني يا مان

ههههههههه

][ .. كوجاك .. ][

02-27-2009, 09:30 PM

مرحبا يا محمود
بشكرك على لاجابات الرائعة
وانا بدي اسئلك كام سؤال

1-ما هو اصعب موقف مر عليك في حياتك ؟؟؟

2- اذا اردت ان تبكي فما هو الشئ الذي سوف تبكي عليه ؟؟؟

3- هل جرحت يوما من هو الشخص الذي جرحك ولماذا ؟؟؟

MaRTeN

02-27-2009, 09:40 PM

اسئلة رائعة وتفاعل كتير حلو

واجابات محصلتش يا محمود

محمود شد حيلك لأنو الي جاييك كتير

ههههههههه

ذكرى قلب

02-27-2009, 09:48 PM

أهلا وسهلا فيك طبعاً

M7mo0oD

ضيف الاعتراف

وأسئلتي

1_لو حبيت يكون قلمك لشي معين

بتحبو يكون

لحبكـ

ولا لوطنكـ

ولا لنفسكـ

2_ ذكرى هتحملها كل عمركـ ؟

3_ الحرية بالنسبة الك بثلاث كلمات ؟

4_ يوم شطبتو من حياتك ؟

5_ فيك شي من الديكتاتورية بالمنتدى ؟

وبعتذر لو ثقلت عليك

M7mo0oD

ذكرى

Mr. M7MOOD

02-27-2009, 09:50 PM

هههههههههه

اتشمت يا مان

كل واحد بجيلو يومو هههههههه

MaRTeN

02-27-2009, 09:50 PM

أنا راح اسألك كم سؤال بس بدي اجابات صريحة

1- أول مرة حبيت فيها كان اكم عمرك ؟؟ وهل كان حب مراهقة ام شعرت انو كان حب جدي ؟؟

2- ( عشقتها ولم تلتفت اليك حتى ) هل مررت بهذا الموقف في وقت من الاوقات ؟؟

3- يقال انو الرجل ممكن يحب اكثر من مرة بعكس المرأة اذا حبت لا تحب غيره طبعا انا بحكي عن حب صادق ؟؟ هل تؤيد المقولة ؟؟ بكل الأحوال كم مرة حبيت في حياتك ؟؟

يا رب تكون اسألتي سهلة عليك يا محمود هههه

المارد

02-27-2009, 09:56 PM

Mr. M7MOOD

02-27-2009, 09:58 PM

[ .. كوجاك .. ][;133685']

1-ما هو اصعب موقف مر عليك في حياتك ؟؟؟

يوم ظهور نتايج توجيهي ما كنت متوقعها وغيرت مجرى حياتي كلها

2- اذا اردت ان تبكي فما هو الشئ الذي سوف تبكي عليه ؟؟؟

اعتقد راح ابكي على شي عزيز علي او لسبب فقدت حد عزيز علي وربنا يطول باعمارهم كلهم يارب

3- هل جرحت يوما من هو الشخص الذي جرحك ولماذا ؟؟؟

لا ما بعتقد اني انجرحت قبل هيك لانو بنظري انا ما غلطت مع حد ويلي بغلط معي هوا يلي خسرني وانا ما خسرتو

حبيبي يابا وان شاء الله تكون اجابتي عجبتك

][ .. كوجاك .. ][

02-27-2009, 10:00 PM

اكيد يا مان بتعجبني انت
وصحيح كلامك هو الي حيخسر مو انت
يسلمووووووووو عالاجابات الرائعة

انتظرني بأسئلة جديده

Mr. M7MOOD

02-27-2009, 10:03 PM

1_لو حبيت يكون قلمك لشي معين

لنفسي

2_ ذكرى هتحملها كل عمركـ ؟

اكيد كل لحظه حلوه بحياتي ما بنساها وخصوصا الجمعات الحلوه بين اهلي او مع اصحابي

3_ الحرية بالنسبة الك بثلاث كلمات ؟

لا تتحدى حدودك

4_ يوم شطبتو من حياتك ؟

كل يوم ما بلزمني او ممكن انو بلحظه يعطل مسيرة حياتي بشطبو وما في يوم معين

5_ فيك شي من الديكتاتورية بالمنتدى ؟

لا طبعا بس يمكن غيري بفكرني هيك لانو ما بشوف حالو كيف بيتعامل بالمنتدا وانا برفض اي شيء مسيء للمنتدا وللاعضاء وازا كان الوضع بيطلب مني اكون دكتوتوري راح اكون هيك

وبعتذر لو ثقلت عليك

m7mo0od

ذكرى

ولو ذكرى احنا بالخدمه

وان شاء الله تكون اجاباتي عجبتك

ذكرى قلب

02-27-2009, 10:09 PM

يسلمووووو عاجاباتك محمود

بس يعني وهو تعليقي ع اجاباتك

أول جواب الك ما اتوقعتو يكون هيك

!!!!!!!!!!!!

ذكرى

Mr. M7MOOD

02-27-2009, 10:10 PM

1- أول مرة حبيت فيها كان اكم عمرك ؟؟ وهل كان حب مراهقة ام شعرت انو كان حب جدي ؟؟

بتوجيهي وبنظري مع مرور الزمن اكتشفت انو حب مراهقه مش شي تاني

2- ( عشقتها ولم تلتفت اليك حتى ) هل مررت بهذا الموقف في وقت من الاوقات ؟؟

لا ....

3- يقال انو الرجل ممكن يحب اكثر من مرة بعكس المرأة اذا حبت لا تحب غيره طبعا انا بحكي عن حب صادق ؟؟ هل تؤيد المقولة ؟؟ بكل الأحوال كم مرة حبيت في حياتك ؟؟

لا طبعا ما بايد هاي المقوله لانو الحب لما يجي لاي انسان ما بيشاورو او بيعرف ازا حب مره ولا لا قبل هيك

وكم مره حبيت بحياتي هههههههههه ما بعد عشان الحسد

شو يا مان هوا انا فاتح قلبي مصنع يمكن مره وحكيتلك مع مرور الزمن ما بعتبرها حب

يا رب تكون اسألتي سهلة عليك يا محمود هههه

ههههههههه ولو يا مان هينا بنتسلى وبنجاوب

ههههههه

حبيبي يا مان

MaRTeN

02-27-2009, 10:15 PM

هههههههه شاطر في الجوابات

ماشي يا مان

حلو كتييييييييير

Mr. M7MOOD

02-27-2009, 10:19 PM

مممممممممممممممممممممممممممممممممم

بدي اسئل كام سؤال

لو اتصلت عليك وحدة و حكتلك كل الي جواها ناحيتك ( بتحبك يعني ) و حكتلك عن ماضيها كلو وكانت بتحب واحد انت بتعرفوا قبل بس خانها و اخدت تحكي معها لفترة و بعدين انت طلبت تشوفها و هية وافقت و شوفتها و هية ما عجبتك ..... شووو راح تعمل ؟؟ بصراحة .؟؟

اوك انا من اول راح اكون رافض الموضوع بس لنفرض ومشيت معك لاخر القصه

وشوفتها وما عجبتني مش راح اكمل معاها متل ما بدها حب وهيك حتى ما اخدعها واخونها متل حبها الاول واعتقد مش راح تكون زعلانه هي لاني ما كزبت عليها

السؤال تاني

ليش بالمنتدى شخصيتك عنصرية بتحب التمييز بين بعض الاعضاء ؟
و هل هالشي بصالح المنتدى انت بتعتقد ولا كيف ؟؟

عمري ما كانت شخصيتي عنصريه والتميز عمرو ما كان شي غلط

بس ليش الواحد ما يتعامل بالحدود المسموحه الو بالمنتدى وما يتعداها وانا اعتقد ما بتعدى حدودي بشي وبعمل شغلي على اكمل وجه والحمد لله راضي عن نفسي

واعتقد لو مش مفيد للمنتدى كان لهلا المنتدى مش ماشي وكان لقيت اعتراض كبير على تواجدي واسلوبي

ههههههههه براحتك يا مان هينا قاعدين مافي ورانا شي

المارد

02-27-2009, 10:22 PM

يا عمي مدير
ههههههههههههههههههههههه
فكنا ههه

اجوبة كتير حلوة يا محمود
جميل الواحد لمن يكون واثق من حالووو

احلى شي فيك باعتقد هالشي

Mr. M7MOOD

02-27-2009, 10:24 PM

يسلمووووو عاجاباتك محمود

بس يعني وهو تعليقي ع اجاباتك

أول جواب الك ما اتوقعتو يكون هيك

!!!!!!!!!!!!

ذكرى

ذكرى انا قصدت لنفسي مو لشخصي واكتب عن حالي ومغرور وكده لا اكيد

بس لنفسي يعني للاشساء يلي بمر فيها انا من حب من مشاكل من اوجاع ومن كل شي وما بقتصر عن الحب والوطن وبس

ان شاء الله تكون اجابتي وصلت الك

تحياتي ليكي ياعسل

ذكرى قلب

02-27-2009, 10:26 PM

وصلت يا محمود

يمكن فهمت غلط

يسلموووو

ذكرى

Mr. M7MOOD

02-27-2009, 10:32 PM

يا عمي مدير
ههههههههههههههههههههههه
فكنا ههه

اجوبة كتير حلوة يا محمود
جميل الواحد لمن يكون واثق من حالووو

احلى شي فيك باعتقد هالشي

هههههههههه حبيبي يامان

هاد شرف الي اني الاقي اعتراف منك لالي بهيك شي

Mr. M7MOOD

02-27-2009, 10:33 PM

وصلت يا محمود

يمكن فهمت غلط

يسلموووو

ذكرى

مو مشكله ياعسل

المهم تكون وصلت

تحياتي ليكي

المارد

02-27-2009, 10:39 PM

حبيبي يامحمود ولو

بس عارف انا السؤال التاني
بعد ماكتبتو فكرتك انك راح تفهمني غلط
تطلعت بتفهم يا حج ههههههههههههههه

يلا مشكور يامان

تمنيالي لك بالتوفيق بهالضيافة الحلوة

القلم البآكي

02-28-2009, 05:49 AM

http://www11.0zz0.com/2009/02/28/06/251020346.jpg (http://www.0zz0.com)

,

صَبَاحُ \ بـ رائِحةْ الجُوريْ ..
مَسَاءُ \ تَشَرْنَقَ بـِ حَـبَآئِلَ الْيآسَمِينْ

..{ M7mo0oD||~

اِمتِزاجُ للاروآحْ ..
نُعاَنقُ بهِ جمالَ روحكْ ..
لـ نعرفَ خبَاياَ قلبكَ ...
ونَعَرفَ المَزيدَ عنـك ..

القَـديْـرْ .....\

آهـلاَ بكَ علىَ الكُرسيْ ..
فَرحَتناَ عَظيمةُ اليومْ ..
بـ عناقِ روحكَ هنـــا ..
لنكمَلَ مسيرتَ الصراحةْ ..
فـ أهلاَ بكَ مرةً أخريَ .!

اٍحْترَآمْيْ
•
•
~|| القلم البآكي }..

~ نبدأ بالأسئلة :-

1-ما هي نظرتك للحياة .. واقع ولا خيال .. سعادة ولا حزن؟؟

2- شو بتعني لك هالكلمات التالية :

البحر - الغروب - التواضع - الهدوء - الخيانة - الصمت

3- هل هزمك حزنك في يوم من الايام ؟

4 _ أين تكــمن سعــادة (M7mo0oD)و مـا أمنيتكـ بالحيــاة ؟ ! ؟ !

5-الطيبه اصبحت عيبا في هذه الايام .. مارايك ..!؟

تحياتي الك يا مان

ROMIO

02-28-2009, 08:04 AM

حبيب قلبي محمود
منوووووووووووووور
راجعلك بالاسئلة ياعمي الكتكوت

ROMIO

02-28-2009, 08:54 AM

باااااااااك يا عمي القموووور
ونخش بالموضوع علي طول :

1_ معروف انه محمود انسان ضحوك جدا
لكن يقال انه الي بضحك كتير بكون مخبي
وراء ضحكه كتير من الالم ......(صحيح)
فشو يا تري مخبي محمود وراء ضحكه هاد .؟؟!

2_ شو راي محمود بــ المرأة ولاي درجة هو صادق معها ( كلهن).؟؟

3_ متي يكون محمود ( مبسوط ) ومتي يكون ( حزين ) ؟؟

4_ نصيحة قيلت لك وتتخذها منهجا في حياتك ؟ وبدنا منك نصيحة للاعضاء الحلوين ؟

5_ راي الاخ محمود بـــ Romio بالمنتدي وخارجه ؟؟؟

وان شاء الله ما كون غلست عليك بالاسئلة حبيب قلبي ...
والي رجعة اكيد هههههههههه

سيليا

02-28-2009, 10:19 AM

هلا خيو محمود منورو للكرسي,,
الي رجعة باسئلة لك ودي..

سيليا..

شهر زاد

02-28-2009, 10:59 AM

فكرة كتييييييير حلوة
وبتمنى تلاقي تفاعل كتييييير
مشكووووور
تحياتي ..شهر زاد

imported_cooLg!rl

02-28-2009, 11:50 AM

فكرة كتيير حلووة مارتن ويسلمووا على الاختييار الرائع

محمموود<<منوور كرسي الاعترااف سا عسل

لي عوودة بأسئلة<<

Mr. M7MOOD

02-28-2009, 11:59 AM

http://www11.0zz0.com/2009/02/28/06/251020346.jpg (http://www.0zz0.com)

تسلم اخي على المقدمه الرائعه

~|| القلم البآكي }..

~ نبدأ بالأسئلة :-

1-ما هي نظرتك للحياة .. واقع ولا خيال .. سعادة ولا حزن؟؟

نظرتي واقعيه للحياه حتى اقدر ان اتعايش معاها بكل ما تحنل من سعاده وحزن

2- شو بتعني لك هالكلمات التالية :

البحر : هوا مكان تذهب اليه الناس لتلهو ولكن يحمل بين امواجه الكثير والكثير من هموم انسان

الغروب : منظرا ولا اجمل من هذا ومع كل لحظه من لحظات زوال النور مع الغروب يذهب تعب النهار وعرق العامل ليرتاح كل في بيته بالليل

التواضع : من تواضع لله رفع وهاي اكيد لازم تكون اهم صفه بالانسان

الهدوء : فيك تحكي اكتر شي بتريح فيه محمود الهدوء وبحبو كتير

الخيانة : كلمه تحمل بين حروفها دقات قلب قاسي لا توجد به رحمة ولا يدق قلبه بالحب

الصمت : لحظات الصمت فيها ممكن ان ترد على انسان تافه وفيها تحبس انفاسك لكي لا تدمع

3- هل هزمك حزنك في يوم من الايام ؟

ما بعتقد انو هزمني ولا راح يهزمني

4 _ أين تكــمن سعــادة (m7mo0od)و مـا أمنيتكـ بالحيــاة ؟ ! ؟ !

السعاده تكمن فالقلوب الصافيه اتجاهك عندنما تتعامل معاها تشعر بالراحه والامان

امنيتي بالحياه ان رضاء ربي واهلي عني

5-الطيبه اصبحت عيبا في هذه الايام .. مارايك ..!؟

مش بكل وقت بس لو عرفنا نستغلها ما بتكون عيب او عرفنا مع مين وامتا نستغلها لانو مو كل انسان بيستاهل نكون طيبين معوتحياتي الك يا مان

تحياتي لاسئلتك الرائعه قلم

دمت بكل خير

لؤلؤة جلاسيرا

02-28-2009, 12:03 PM

والله اسئلة حلوة يا محمود

واجابات احلى يا قلق

انا ما عندي شي

اسالو هههههههههه

Mr. M7MOOD

02-28-2009, 12:14 PM

1_ معروف انه محمود انسان ضحوك جدا
لكن يقال انه الي بضحك كتير بكون مخبي
وراء ضحكه كتير من الالم ......(صحيح)
فشو يا تري مخبي محمود وراء ضحكه هاد .؟؟!

صحيح المقوله هاي بس الواحد شو بدو يكون مخبي وراه غير هموم الدراسه
والحياه اللي بتاوجه كل شخص يعني بس انا بنظري لمااضحك بتغلب عليها

2_ شو راي محمود بــ المرأة ولاي درجة هو صادق معها ( كلهن).؟؟

المرأه هي النص حلو بحياتنا وانا بعترف اعتراف كلي بهاد الشي وممكن احكيلك اني ما بقدر اعيش بدونها بس بقدر اتفاداها
ما بقدر احكيلك اني ممكن اكون صادق معاها 100% لانو ما يزعلو مني الصبايا ما بتأمنو على سر وممكن مش كلهم بردو بس هاد اللي شايفو والله

3_ متي يكون محمود ( مبسوط ) ومتي يكون ( حزين ) ؟؟

بكون مبسوط من قلبي يوم ما اكون قاعد مع كل اهلي بلمه حلوه مع القرايب وكمان لما اكون قاعد مع صحابي وهيك لمات حلوه
وكمان لما اتوفق بحياتي واحس حالي عملت شي لانسان ساعدتو فيها بكون كتير كتير مبسوط

تمت قصه الحزن في كتيره ببلدنا لما تلاقي حالك كل ما تحاول تمشي خطوه بتوقف الحياه بوجهك وبترجع خطوتين وانو لما تحس بالظلم كتير بدايق

4_ نصيحة قيلت لك وتتخذها منهجا في حياتك ؟ وبدنا منك نصيحة للاعضاء الحلوين ؟

ممكن نصيحه من اخوي الكبير حكاها الي اني اطلع تحت رجلي قبل ما اتطلع قدامي وهاد كتير فادتني بالحياه والتعامل مع الناس

نصيحتي للاعضاء انو ما تخلي شي بالدنيا يخليك حزين لانو الحياه مو مستاهله

5_ راي الاخ محمود بـــ romio بالمنتدي وخارجه ؟؟؟

والله رميو داخل المنتدا صحيح هوا غاب فتره ورجع بس رجع رجعه حلوه ومنيحه واسالتو بالنقاش كتير حلوه وتواجدو حلو وبتمى يعطي اكتر لانو عندو اكتر

اما خارج المنتدا هوا شب عسل وطيب بس عصبيتو بتيجي بسرعه وما بعرف يتصرف بهيك مواقف ويسيطر على عصبيتو وهاد الشي يلي ما بحبو فيك وعنادك كمان ههههههه حبيبي يا مان

حبيبي يا مان

يسلموووووو عالاسئله الحلوه

وما تزعل مني هههههههه

Mr. M7MOOD

02-28-2009, 12:16 PM

هههههههههه

لؤلؤه الله يخليكي خليكي هيك ما تسالي

شجعيني انتي بس دبحوني الاعضاء

ههههههههههههه

مسدقو يمسكو واحد

هههههههههه

بمزح يا حلوين

اسالو ما يهمكو وان شاء الله بكون صريح معكم

G!rL TEARS

02-28-2009, 12:37 PM

هلووز

انا جييت ومعي كبشة اسئلة

يلا نبلش

امم

شو اكتر موقف محرج بحياتكـ؟؟

وشو رايك بالحب عالنت؟؟

شو هوا اكتر تصرف غبي عملتو بحياتكـ؟

عمرك انضربت كف ومن مين ؟؟

واخيرن

كيف كرسي الاعتراف الي ئاعد عليه مريح؟؟

وبـــــــس

^^

سيليا

02-28-2009, 12:43 PM

ماذا تعني لك الوحدة والجلوس وحيدا ؟؟

هل محمود راض عن نفسه وعن افعاله وما سلبياته وايجابياته ؟؟

ما نظرتك الى الحياة التي يعيشها محمود ؟؟؟؟

برايك ايطرق الالم بابنا ام نحن من نصنعه؟؟؟

وبالنهاية
شو طموحات محمود للمستقبل وشو تخطيطو لهيك يوم ؟؟؟

وبس بتمنى ما كون تألت عليك..

احترامي سيليا..

الماجيك

02-28-2009, 12:49 PM

ضيف عنوانه المرح ورمزه الأبتسامة

فهو من أعمدة هذا المنتدى

إنسان ذات شخصية محبوبة شخصية جميلة ورائعة

مميز في ردوده إنسان رائع في حضوره

مبدع في حروفه

يحمل في قلبه روح الجد والمرح

هدوؤه يشعرك بالهيبة

أحب منتداه ..وأخلص له

أهلا وسهلا

بالضيف الراقي

والمدير المميز

http://www.uiraqi.com/vb/images/smilies/140.gif m7mo0od http://www.uiraqi.com/vb/images/smilies/140.gif

واسالتي ليك أخي ,,

1- ماذا تعني لك ابتسامة طفل ؟

2- ما هو أبعد شيء عن الواقع في نظرك ؟

3- اكثر موقف ضحكت فيه من قلبك ؟

4-متى تكره أن تواجه الحقيقة ؟؟ ولماذا ؟؟

5 - هلأ اسئلة بتخض اعضاء المنتدي ؟؟

افضل عضووو

اجمل ردوود

عضو واثق من نفسه

عضو تحسه انه مميز

عضوو تعجبك مواضيعه

عضوو ما كنت مستلطفه ،،وهلاء معجب فيه ؟؟

عضوين تحسهم متقاربين لبعض ؟؟

أربع باقات ورد أقدمها لك ... لمن تقدمها من الاعضاء والمشرفين ؟!

مممممممممم

واي سؤال محرج ليك خيو

ليك مطلق الحرية ما تجاوب

تحياتي ليك

Mr. M7MOOD

02-28-2009, 12:52 PM

شو اكتر موقف محرج بحياتكـ؟؟

ممممممم مافي موقف معين يعني او شي هيك

وشو رايك بالحب عالنت؟؟

النت وسيله للحب ووسيله تحكي مع اللي بتحبو او يمكن تتعرف عليه وتطور انتا وياه هاي العلاقه كيف مابدكم واعتقد الحب الصادق بيبان من العب والتسلايه

شو هوا اكتر تصرف غبي عملتو بحياتكـ؟

غبي !! ما اعتقد اني عملت شي بهيك معنى ولا هعمل

عمرك انضربت كف ومن مين ؟؟

هههههههههههه لا اكيد ولا هنضرب

واخيرن

كيف كرسي الاعتراف الي ئاعد عليه مريح؟؟

اها كتير مريح مارتن حاطط سفنج عليه حبيبي هوا

وبـــــــس

^^

يسلمو جيرل تيرز عالاسئله

بس ممكن كلمه صغيره حابب احكيها الك

الملافظ سعد وياريت تنتقي كلماتك بدقه

تحياتي ليكي

Mr. M7MOOD

02-28-2009, 01:02 PM

ماذا تعني لك الوحدة والجلوس وحيدا ؟؟

بالغالب بحب اكون لوحدي وهدوء وهيك اشياء بس لما تطول ما بحبها يعني

هل محمود راض عن نفسه وعن افعاله وما سلبياته وايجابياته ؟؟

الحمد لله راضي عن جزء كبير من يلي بعملو بحياتي سلبياتي وايجابياتي

اعتقد الناس يلي بعرفوني هما بيجاوبو عليها مو انا لاني مابحب احكي عن حالي وهيك >>> مادح نقسو كداب

ما نظرتك الى الحياة التي يعيشها محمود ؟؟؟؟

روتين ولدنا عليه وترعرعنا عليه لا تغيير فيها ولكن الحمد لله على كل شيء

برايك ايطرق الالم بابنا ام نحن من نصنعه؟؟؟

الآلم نحن نصنعها بايدينا الانسان دائما هوا الذي يختار ويعرف كيف طريق السعاده وكذلك طريق الحزن والآلم

وبالنهاية
شو طموحات محمود للمستقبل وشو تخطيطو لهيك يوم ؟؟؟

انا بتمنى اني اخلص جامعه واسافر اشتغل بالخارج ان شاء الله يسير هادالشي

وبس بتمنى ما كون تألت عليك..

احترامي سيليا..

يسلمو سليا ياعسل عالاسئله الحلوه

تحياتي لعيونك

imported_cooLg!rl

02-28-2009, 02:22 PM

أناا اجييت و معي اكم سؤاال

1)لكــل انساان نقطة ضعف ما هي نقطة ضعفكــ؟؟

2)ما هو اكتر شيء ممكن يستفزكــ؟؟

3)النسياان نعمة ما هو الشيء الذي تتمني نسيانه؟؟

4)شو هو العمل اللي عملتواا و اندمت عليه و بتتمنى انك ترجع بالزمن عشاان ما تعملواا؟؟

5)ما هي نظرتكــ لــ/الحب،الظلم،الخيانة؟؟

6)ماهي نظرتكــ لمنتدى جلاسيرا ؟؟وهل هو بحاجة لتتطور اكثر من الان؟

وبــــــــــــس

بتمنى ما كوون تقلت عليكــ يا عســل

..........

\
/
COOlG!RL

Mr. M7MOOD

02-28-2009, 07:51 PM

تسلم يا ماجيك على المقدمه الاكتر من رائعه

[color="darkred"]واسالتي ليك أخي ,,

1- ماذا تعني لك ابتسامة طفل ؟

تعني الكثير والكثير فهي اتبسامه نابعه من قلب صافي لا يعرف معاني الكدب والخداع والنفاق ابتسامه تعطي الامل بالحياه

2- ما هو أبعد شيء عن الواقع في نظرك ؟

انك تخطط لمستقبل ويمشي معك متل ما بدك

3- اكثر موقف ضحكت فيه من قلبك ؟

مممممممم كتير مواقف بس اكتر موقف بفتكرو
كنا انا ومارتن عند ابن خالتي بغزه وكنا نضحك بصوره مش طبيعيه
بس لهلا ما بنعرف ليش
هههههههههههه

4-متى تكره أن تواجه الحقيقة ؟؟ ولماذا ؟؟

بالعكس انا بطبعي بحب اواجه الحقيقه لاني دايما صريح

وبعتقد انو الافضل دايما انو الواحد يواجه حقيقتو

5 - هلأ اسئلة بتخض اعضاء المنتدي ؟؟

افضل عضووو

كـوجاك

اجمل ردوود

رهيـن الفراق

عضو واثق من نفسه

مممممم شادي

عضو تحسه انه مميز

اورجينال كـول

عضوو تعجبك مواضيعه

المـاجيك

عضوو ما كنت مستلطفه ،،وهلاء معجب فيه ؟؟

ممممممم مافي حد

عضوين تحسهم متقاربين لبعض ؟؟

الكل كتير متقارب من بعض واخوه مع بعض

أربع باقات ورد أقدمها لك ... لمن تقدمها من الاعضاء والمشرفين ؟!

بدي اقدمها الاولى الك

والتانيه للاداره شادي ومارتن

والتالته للمشرفين والمشرفات

والرابعه للاعضاء

يسلمو اخي عالاسئله الحلوه

تحياتي ليك

Mr. M7MOOD

02-28-2009, 07:58 PM

أناا اجييت و معي اكم سؤاال

1)لكــل انساان نقطة ضعف ما هي نقطة ضعفكــ؟؟

بسامح كتير وبمزح مع الكل

2)ما هو اكتر شيء ممكن يستفزكــ؟؟

الغباء والعصبيه

3)النسياان نعمة ما هو الشيء الذي تتمني نسيانه؟؟

كل موقف حزين مر بحياتي زمان

4)شو هو العمل اللي عملتواا و اندمت عليه و بتتمنى انك ترجع بالزمن عشاان ما تعملواا؟؟

اني حبيت وبتمنى ارجع عشان ما امر بهيك تجربه تاني واعدلها

5)ما هي نظرتكــ لــ/الحب،الظلم،الخيانة؟؟

الحب اجمل شعور ممكن يشعر فيه الانسان

الظلم اسوء واسوء شعور انو يكون الواحد مظلوم

الخيانه اصعب شعور ممكن يمر على انسان ويعيشو

6)ماهي نظرتكــ لمنتدى جلاسيرا ؟؟وهل هو بحاجة لتتطور اكثر من الان؟

نظرتي الو انو هو هلا اصبح جزء من حياتي وما بقدر استغنا عنو باعضائو وبكل اللي فيه

واكيد راح يتطور ان شاء الله بس بمجهودكم معانا وبمواضيعكم وتواجدكم الرائع

..........

\
/
coolg!rl

تسلمي كول على الاسئله الحلوه هاي

تحياتي ليكي ياعسل

تلميذة الأيام

02-28-2009, 08:07 PM

مجهود رائع في المنتدى

قلم منير ومضيئ اين ما تواجد

اسلوب راقي كرقة صاحبه

شخصية محبوبة ولطيفه

حضور اكثر من مميز

محمود

كم سعيدة لوجودك اليوم بضيف الاسبوع

واكيد لحظه وراجعيتلك بكم سؤال وما رح تقل عليكِ بالمرة

تلميذة الأيام

02-28-2009, 08:11 PM

محمود,, آقطف زهره من حديقتك وآكتب عليها كلمتين وأهديها لمن تحب ,,؟!

بحبك كتير

لحماده اخوي

**

بغض النظر عن طرقه وكيفية حصوله وزمن حصوله . ماذا يعني الحب لكِ ؟

الحب اجمل شعور ممكن يحس فيه الانسان وانا شخصيا ما بقدر استغنى عنو
لانو قلبي اصبح مرتبط فيه

**

إذا وجدت نفسكِ ضعيف في بعض المواقف ماذا تفعل ؟؟

بنسحب منها ازا بجد ما قدرت اواجه واطلع بضرر قليل احسن ما انتهي كلي

**

\

**

ليس من السهل ان نجد السعاده في داآآخلنا
لكن مــن المستحيل ان نجدها فــي أي مكان آخــر

((آجنــــس ريبليــــر))

أ-كيـــف نستطيــــع ان نـ ج‘ـــد السعــــآآآدة فعـــلآآآ فــي انفسنـــآآآ فقـــــط؟

عنددما نعرف من نحن بصدق ونعرف ما بداخلنا وكيف نحنو ونفهم انفسنا بصدق وقتها سوف نعرف معاني السعاده

ب-وهــــل مــاقـــآلــه صحيـــح برأيـــكِ ..؟

بنظري خاطئة لان هناك من يقدر على اسعادك وحعلك ملك الكون

_لـــو كـآنـت حيـاآتـــك قصــــه مــاذاآآ تـــريــد ان تسميـــهآ..؟

عاشق في زمن المستحيل

**

شخصيه هنآ آثآرت فضولك من هي ..و لمآذا ؟

انثى الوجع ... دائمابحس انك تحملين الحزن بداخلك رغم ظهورك بغير ذلك**

آتمنى آنها تكون الاسئلة خفيفه
ويعطيك العافية سلفا

الله يعفيكي واسئله كتير حلوه

تحياتي ليكي

Mr. M7MOOD

02-28-2009, 09:02 PM

مممممممم

سوري يا انثى بس شكلي حطيت تعديل بدل رد باقتباس

هههههههه

تحياتي ليكي ياعسل

اميرة الجراح

02-28-2009, 09:53 PM

مرحبا كيفك يا محمود تعبوك الاعضاء ما بس هلأ دوري
1- تخيل نفسك قاعد على شط البحر وما في حد غيرك وكمان وقت غروب الشمس مين الشخص الي بتتمنى يكون معك وشو هالاحساس الي براودك لما تشوف الغروب؟
2-عمرك حبيت بس كان هالحب تسلاية؟
3-شو اكتر اشي بتكرهو في هالدنيا واكتر شي بتحبو؟
4-شو معنى هالموقف في نظرك(تحب شخص كتير وهو ما يحبك)؟
5-اكتر انسان بتحبو بهااالدنيا؟
مش هكتر عليك بس الي رجعة
تحياتي الك
يا جماعة ما تغلبوه كتير بلاش ضغطو يعلى
ههههههههههه
تحياتي

تلميذة الأيام

02-28-2009, 10:04 PM

مممممممممممم
اجوبة كتير حلوة
يعطيك العافية
وحلوة هادي عملت تعديل
بدل رد باقتباس ههههههههه

رهين الفراق

03-01-2009, 04:23 AM

هلحيـــــن حان دوري يا محمود..

اسئلتي لكــ.

1_ وانت تجلس وحيدا ماذا تغني ؟ ويا ريت المقطع تكتبو ؟

2_عندمــا تمسك القلــــم ما هو اول شي تكتبه ؟

3_ هل عمركـ حسيت بالذنب .؟ ومع مين ؟

4_ كلمة شكر وامتنان لمن تقولهـــــــا ؟

5_ اتركـ لك مساحة تكتب ما تشاء .. .. ؟؟

يلا سهلتها عليك يا محمود هههه

تحياتي

قلب المحيط

03-01-2009, 11:54 AM

بصراحة وجودك على كرسي الاعتراف رائع
واجاباتك اروع 0000
وهلئ جاوب

1**ماهي الفائدة الذي جنيتها من جلوسك خلف شاشة الكمبيوتر على النت؟؟

2**ما هي الحكمة التي يرددها والدك ورسخت في بالك ونفسك ..؟!!

3**حادثة او واقعة حدثت لك انت شخصيا وا ستفدت منه الكثير...
ان امكن ان تذكر الحادثة وما استفدته منها؟

خلص بكفي مش حغلبك
تحياتي ليك

Mr. M7MOOD

03-01-2009, 01:07 PM

1- تخيل نفسك قاعد على شط البحر وما في حد غيرك وكمان وقت غروب الشمس مين الشخص الي بتتمنى يكون معك وشو هالاحساس الي براودك لما تشوف الغروب؟

ما بعرف مافي حد معين بس ممكن اصحابي يكونو معي

2-عمرك حبيت بس كان هالحب تسلاية؟

اها بس انا ما بسميه حب يعني بسميه لعب عيال لانو ما وصل لدرجه الحب

3-شو اكتر اشي بتكرهو في هالدنيا واكتر شي بتحبو؟

اكتر شي بحبوالصراحه لاني دايما صريح واكتر شي بكرهو الغباء والنفاق

4-شو معنى هالموقف في نظرك(تحب شخص كتير وهو ما يحبك)؟

اكيد موقف صعب كتير انو الواحد يحب من طرف واحد ومن اصعب انواع الحب

5-اكتر انسان بتحبو بهااالدنيا؟

امي وابي

يسلمووو كتير على الاسئله الحلوه

تلميذة الأيام

03-01-2009, 01:08 PM

وعدنـــا من جديد

أكيد هناك جانب في شخصيتك تحاول اخفاؤه .. ما هو ؟؟

ثلاثـة أشياء تتمنى زوالها من على الأرض ؟؟

التسامح .. الطيبـة .. الى أين يقوداك .؟؟

يصل الانسان الى مرحلـة يقول فيها "عفت الحياة " أول اي شي متل هيك
متى حصل معك ذلك ؟؟ وما السبب؟؟

ما رأيك بالعبارات التاليـه
"ما الحب الا للحبيب الأول"

"الغايه تبرر الوسيلة"

ويعطيك العافية

ديــــالا

03-01-2009, 01:11 PM

هلاا خيووو

هلا اجي دوري

* هل لقيت الفتااه الي بتتمنى تكمل عمرك معها؟

*شو هوا الحلم الي مستعد انك تتحدى العالم كلوو مشان تحققوا؟

*لو حبيت بجد لاول مرة وبتموت بحبك..بس القدر وقف بطريقك.شو بتعمل؟

*لمين بتهدي هالكلمات:
بعشقك ،،الله يسامحك،،طمني عليك

*لو بتملك اخر وردة بالكون لمين بتهديها؟

Mr. M7MOOD

03-01-2009, 01:12 PM

اسئلتي لكــ.

1_ وانت تجلس وحيدا ماذا تغني ؟ ويا ريت المقطع تكتبو ؟

بعترف قدام عنيك من النهار ده انا عمري ليك سبني احبك يا حبيبي وانسى روحي بين اديك

بحبها كتير هالاغنيه

2_عندمــا تمسك القلــــم ما هو اول شي تكتبه ؟

بحـــبك

3_ هل عمركـ حسيت بالذنب .؟ ومع مين ؟

اها يمكن مع تعاملي مع اهلي وانا بسن معين كنت دايما مغلبهم لهيك حاسس بالزنب معاهم

4_ كلمة شكر وامتنان لمن تقولهـــــــا ؟

مممممم ليكم انتم لانكم موقفين جنبنا بالمنتدا ومعانا خطوه بخطوه

5_ اتركـ لك مساحة تكتب ما تشاء .. .. ؟؟

مـا حد يستاهل عزاب قلبي معاه

هههههههههه

حبيبي يا مان

ربنا يسهل طريقك هههههههه

Mr. M7MOOD

03-01-2009, 01:21 PM

1**ماهي الفائدة الذي جنيتها من جلوسك خلف شاشة الكمبيوتر على النت؟؟

فوائد كتير كبيره لاني انا تعلمت اشياء كتيره عالنت وعرفت ناس كتيره وتعلمت منهم وتعلمت شغل الكمبيوتر معلومات ما كنت بعرفها وتطورت افكاري

2**ما هي الحكمة التي يرددها والدك ورسخت في بالك ونفسك ..؟!!

ما بعرف مافي شي معين بس علمني ما ايأس

3**حادثة او واقعة حدثت لك انت شخصيا وا ستفدت منه الكثير...
ان امكن ان تذكر الحادثة وما استفدته منها؟

الواحد فينا بمر بتجارب كتير وبتعلم منها كتير اشياء وانا عن نفسي ما بعتقد سارت حادثه كتيره بس اكتر شي ممكن اكون تعلمتو اني ما اثق بكل الناس

تحياتي ليك

يسلمو قلب على الاسئله الحلوه

تحياتي ليكي يا عسل

Mr. M7MOOD

03-01-2009, 01:33 PM

أكيد هناك جانب في شخصيتك تحاول اخفاؤه .. ما هو ؟؟

لا ما في اعتقد لاني بحب اكون دايما على طبيعتي وانا هيك طبيعتي

ثلاثـة أشياء تتمنى زوالها من على الأرض ؟؟

الكره

الخيانه

النفاق

التسامح .. الطيبـة .. الى أين يقوداك .؟؟

الى محبه الناس لو استعملتهما الاستعمال الصحيح ومع الناس الذي يستحقونها

يصل الانسان الى مرحلـة يقول فيها "عفت الحياة " أول اي شي متل هيك
متى حصل معك ذلك ؟؟ وما السبب؟؟

ممممممم يييييييي كتير مواقف ههههههه

السبب ها سبب واحد يعني انو احنا عايشين على روتين واحد وما في تغيير

وكل مره حالنا بيزيد للاسوء وهيك والواحد بحكي كرهت الحياه

ما رأيك بالعبارات التاليـه
"ما الحب الا للحبيب الأول"

الحب للي بقدر يسيطر على القلب ويخليه ملكو سواء كان الاول او حتى العاشر

"الغايه تبرر الوسيلة"

اكيد مقوله صحيحه لانو كل واحد لما يوصل للغايه اللي عايزها راح توضح الوسيله اللي استعملها للوصول لهاي الغايه

ويعطيك العافية

الله يعافيكي يارب

منوره انثى

تحياتي ليكي

Mr. M7MOOD

03-01-2009, 01:38 PM

هلاا خيووو

* هل لقيت الفتااه الي بتتمنى تكمل عمرك معها؟

لهلا لا

*شو هوا الحلم الي مستعد انك تتحدى العالم كلوو مشان تحققوا؟

مممممم تصوري انو مافي حلم هيك عندي بس ممكن اني اسافر ممكن

*لو حبيت بجد لاول مرة وبتموت بحبك..بس القدر وقف بطريقك.شو بتعمل؟

الحمد لله على كل شيء ازا ما قدرت اواجه بجد اكيد ربنا راح يكون مقدر انو ما الي خير فيها وهيك

*لمين بتهدي هالكلمات:

بعشقك ،، ولا حد

الله يسامحك،، ان شاء لله ربنا بيسامح الكل

طمني عليك ,, مممممم صديقه قديمه جدا كنت اعرفها وهلا ما بعرف عنها شي وكانت اكتر من اخت

*لو بتملك اخر وردة بالكون لمين بتهديها؟

بهديها لامي

والك يا ديالا ههههه

يسلمو يا عسل عالاسئله الحلوه

تحياتي ليكي

لمسة إيد

03-01-2009, 01:56 PM

مرحباا

رح اسال سؤال واحد

حسب ما فهمت انك عم بتحب وحدة من هووون بس العلاقة منتهية..

كيف قدرت تحكم انها منتهية؟!

ازا مو حابب تجااوب عادي

بس افتكر انك بتحب الصرااحة اوكي

Mr. M7MOOD

03-01-2009, 02:37 PM

مرحباا

رح اسال سؤال واحد

حسب ما فهمت انك عم بتحب وحدة من هووون بس العلاقة منتهية..

كيف قدرت تحكم انها منتهية؟!

مني منها انا وياها نهينا الموضوع سوا وخلاص كل شي انتها بينا وعادي يعني ومنتفقين على انها منتهيا بس ومش مستاهله اخبي شي

يسلمووو عالسؤال الحلو والملاحظه الحلوه

تحياتي لاالك

ROMIO

03-01-2009, 06:30 PM

يسلموو حبيب قلبي محمود ع الاجابات
والله انا التاني قهراني عصبيتي ونفسي اتخلص منها
بس هي مشكلتي اصغر شي بيستفزني
وع العموم ربنا يوفقك في حياتك مشان تكون مبسوط
مع اني ما بذكر اني شفتك غير هيك
واكيد الي رجعة يابا

Mr. M7MOOD

03-01-2009, 08:27 PM

حبيبي يا مان

انتا انوي بس وكل شي بنحل

والحمد لله على كل شي

حبيبي تحياتي الك

ملاك فلسطين

03-02-2009, 09:37 AM

اهليني اخ محمود دوري بالاسئله وان شاء الله تكون خفيفه عليييييييك..

1/ ماهي التجارب الحقيقه التي كسبتيها من الحياهـ ؟

2اعضاء مشرفين مميزن بهذا المنتدى ؟

3/ طموحكـ لأي حد بحياتك العامـه ؟

4ماهي الايجابيات والسلبيات بمنتدى جلاسيراااااا بكـل صراحـه وبدون اي مجامـله ؟

5_وزع العبارات على أعضاء المنتدى:

يتعب كثير
عاقل بزيادة
فلهورومنسي
روح المنتدى
يضحكني أسلوبه
شاعر حساس

يلاااااااااا بانتظار الاجابه....

Mr. M7MOOD

03-02-2009, 12:11 PM

1/ ماهي التجارب الحقيقه التي كسبتيها من الحياهـ ؟

ممممممم تجارب كتير الواحد بيمر فيها بس انا اكتر تجربه استفتدت منها تعاملي مع الناس عشان كنت بشتغل بمؤسسه اجتماعيه وكنا نتعامل مع كل الناس كبير وصغير واتعلمت منها كتير اشياء وكيف اتعامل واصبر وافكر وهيك اشياء

2اعضاء مشرفين مميزن بهذا المنتدى ؟

اعضاء نشطين : ذكرى قلب .. ملاك فلسطين .. المارد .. الماجيك .. بنت الشمال .. شهرزاد .. سيليا .. كول جيرل

مشرفين : الكل والله شغال بقسمو بصوره كتير حلوه يعطيكم اف عافيه

3/ طموحكـ لأي حد بحياتك العامـه ؟

الانسان بصفاتو يعتبر طموح لهيك مافي حد معين الواحد بطمحلو ودايما بسعى للافضل والتميز انا بطمح اني اخلص جامعتي واشتغل واسافر وبعد هيك ربنا بيجيب اللي فيه الخير بس هاد اللي ببالي حاليا

4ماهي الايجابيات والسلبيات بمنتدى جلاسيراااااا بكـل صراحـه وبدون اي مجامـله ؟

هاد اشياء انا كمدير ما بقدر احكي عليها لاني بنظري الافضل وما في سلبيات وراح تعتبروني بزاود وهيك بس هاد الكلام انتو يلي بتحكوه مو انا الايجابيات والسلبيات

5_وزع العبارات على أعضاء المنتدى:

يتعب كثير

مممممم ممكن ذكرى قلب

عاقل بزيادة

ايلاف كتير هاديه وحكيمه

فلهورومنسي

سيليا

روح المنتدى

اورجينال كول ورهين الفراق

يضحكني أسلوبه

حماده اكيد

شاعر حساس

رهين الفراق اكيد

يلاااااااااا بانتظار الاجابه....

يسلموووو احلى ملوكه على الاسئله هاي

تحياتي ليكي ياعسل

زهرة الثلج

03-02-2009, 12:43 PM

محمود انتا لساتك ع كرسي الاعتراف

حتي لو بدك تجاوب ع هالسؤال

لا تكزب ههههههههههههههههه

اكتر لون بتحبوا؟؟

اخر مرة حنيت لحبك الاولاني ؟؟

كم مرة بكيت علي حبك ؟؟

كم اميل لبنت عندك؟؟

اخر مرة كلمت بنت حوال والمدة؟؟

شوف ما اخف دمي ههههههههههههههههه

ديــــالا

03-02-2009, 01:52 PM

مرحباا خيوو

*لما بتكون لوحدك مين اول شخص بيخطر ببالك؟

*شو اجمل هدية حصلت عليها؟

*ممكن تفكر انك تتزوج وحدة بتحبك وبتحكي معك وانت حبيتها؟

*شو الشخصية الي بتعجبك بالبنت؟

*MshTa2 KtEeR .. لمين بتحكيها؟

][ .. كوجاك .. ][

03-02-2009, 02:13 PM

مرحبا محمود

اجاباتك روعة يا مان
وانا بحييك

وبدي اسأل كام سؤال ؟؟؟

1- ما هو السؤال الذي يحرجك ولا تعرف ايش ترد وتجاوب عليه ؟؟؟

2- ماذا تفعل لو طعنت من اقرب الناس اليك ؟؟؟

3- متى يشعر محمود بالسعاده الغامرة ؟

بكفي هيك
لي عودة
هههههههههههههه

imported_cooLg!rl

03-02-2009, 03:21 PM

احوبتكــ كتيير حلــوة يا عـــــــــــسل

ما بدي اسئلك بكفي الاسئلة اللي بانتظاارك هههههه

يلاا ناطرينكــ لترد

Katrein

03-02-2009, 03:55 PM

مرحباا يا مان

شو أجمل ذكرى الك بحياتك صاارت؟؟

حكمتك المفضله ؟ ووشاعرك المفضل ؟ فنانك المفضل ؟

شو موقفك من الحب ؟؟ وهل جربته ؟؟ هل تأمن بوجوده ؟؟

دمعة سقطت من عينك ؟؟ من كان سببها؟؟

ايش شروطك في زوجة المستقبل ؟؟

Mr. M7MOOD

03-02-2009, 05:04 PM

اكتر لون بتحبوا؟؟

الاحمر

اخر مرة حنيت لحبك الاولاني ؟؟

من زمان ما بعرف يعني من فتره طويله

كم مرة بكيت علي حبك ؟؟

ما بكيت عليه

كم اميل لبنت عندك؟؟

مممممممم ما بعد عشان الحسد ههههههههه

يمكن 6 او 7

اخر مرة كلمت بنت حوال والمدة؟؟

امبارح يمكن 5 دقايق بس

شوف ما اخف دمي ههههههههههههههههه

عثل يناث عثل

ههههههههههههه

شو زهره مين باعتك تتحري مني هههههههههه

يسلمو يا عسل عالاسئله

Mr. M7MOOD

03-02-2009, 05:08 PM

مرحباا خيوو

*لما بتكون لوحدك مين اول شخص بيخطر ببالك؟

بفكر بمحمود انا يعني ...

*شو اجمل هدية حصلت عليها؟

ميداليه منقوش عليها صورتي

*ممكن تفكر انك تتزوج وحدة بتحبك وبتحكي معك وانت حبيتها؟

اكيد وهاد شي حلو انو الواحد يتجوز وحده بتحبو وبحبها وهيكون فيه تفاهمم بينهم كبير بس يكون حب مبني على اساسات صح

*شو الشخصية الي بتعجبك بالبنت؟

الشخصيه اللي بجد بتحس انها بنت بانوثتها برقتها باحساسها الحلو بضحكتها وبكل شي فيها حركاتها تعاملها بجد نفسي ببنت هيك هههههههه

*mshta2 kteer .. لمين بتحكيها؟

ولا لحد بس بحب اغنيه وائل كفوري مشتاء كتير ميشان هيك حاططها

يسلمووو ديالا يا عسل على الاسئله العسل متلك

تحياتي ليكي يا قمر

Mr. M7MOOD

03-02-2009, 05:12 PM

[ .. كوجاك .. ][;136975']

1- ما هو السؤال الذي يحرجك ولا تعرف ايش ترد وتجاوب عليه ؟؟؟

ههههههههه شو عشان تسألو الي هههههههه كم عمرك على اساس اني ممثل هههههههه ما في يا مان ولو خايف من سؤال معين كان ما جيت عالكرسي

2- ماذا تفعل لو طعنت من اقرب الناس اليك ؟؟؟

صعبه كتير بس اكيد راح افهم الموضوع منيح وبطلا الاحوال راح ابعد عنو

3- متى يشعر محمود بالسعاده الغامرة ؟

عندما احس بالراحه من قلبي متى هاد بيسير لما احس حالي عملت شي مفيد ومنيح وانجحت فيه او لما اخلي واحد سعيد ومبسوط

بكفي هيك
لي عودة
هههههههههههههه

هههههههههههههههه

بتنور يا مان

بس خف علينا

هههههههههه

حبيبي

Mr. M7MOOD

03-02-2009, 05:18 PM

مرحباا يا مان

شو أجمل ذكرى الك بحياتك صاارت؟؟

توجيهي والمدارس وقعده الاصحاب والشباب

حكمتك المفضله ؟

ازا مش قادر تسعد نفسك حاول تسعد اللي حواليك

ووشاعرك المفضل ؟

بحب اشعار نزار قباني

فنانك المفضل ؟

اكيد عمرو دياب

شو موقفك من الحب ؟؟

اكيد حلو كتير الحب وبنتمناه كلنا
وهل جربته ؟؟

ما بعرف ازا اللي جربتو كان حب ولا لا بس انا حبيت يعني

هل تأمن بوجوده ؟؟

اكيد جدا اامن بوجوده

دمعة سقطت من عينك ؟؟ من كان سببها؟؟

دمعه يوم نتايج توجيهي لاني حسيت يومها بالظلم الشديد

ايش شروطك في زوجة المستقبل ؟؟

اكيد انها تكون بتحبني وبتسمع كلامي ومخلصه الي وتكون على درجه من العلم والدين هاد اهم شي

يسلمووو يا عسل على الاسئله الحلوه

تحياتي ليكي

تلميذة الأيام

03-02-2009, 06:20 PM

ورجعت من جديد
عارفة زهقتك ههههههههه

_شروق الشمس ماذا يوقظ فيك .. ؟

2- لو طلب منك تقييم شخصية حدن "اي شخص " ما هي المعايير التي تستخدمها لتقييمهم ؟؟

3_ هل انت صريح ؟؟
4-كيف ترسم خطين للجرأة والصراحة؟؟

5-لمن تمنح هذه الالقاب للاعضاء :-
أ- شخصيه طيبه :-
ب- شخصيه حكيمه :-
ج‌- شخصيهـ مرحه :-
د- شخصيهـ مثقفه :-
ذ- شخصيهـ طموحه :-
شخصية حزينة
:-

ويعطيك العافية سلغا

Mr. M7MOOD

03-02-2009, 06:54 PM

_شروق الشمس ماذا يوقظ فيك .. ؟

بداية يوم جديد ونفخ الارواح من جديد في اجساد الناس

لكي يقوم كل منهم على ما يهواه وما يعمل به ليوم شاق من الاحداث

2- لو طلب منك تقييم شخصية حدن "اي شخص " ما هي المعايير التي تستخدمها لتقييمهم ؟؟

طريقته بالتعامل والتحدث والاسلوب الحياتي التي يعيش عليه وكيفيه تعامله مع نفسه ومع الاخرين ومظهره الخارجي

3_ هل انت صريح ؟؟

كتير كتير وبحب الصراحه

4-كيف ترسم خطين للجرأة والصراحة؟؟

الجرائه تاتي فجأه لعمل معين يحتاج منك ان تكون جريئ فيه وهي ليست صفه دائما بالانسان

ولكن الصراحه متلاصقه باالانسان الصريح او ذو الشخصيه الصريحه

اما عني فانا انسان صريح بس ما عندي جرائه كتير

5-لمن تمنح هذه الالقاب للاعضاء :-

أ- شخصيه طيبه :-

ملاك فلسطين

ب- شخصيه حكيمه :-

شادي

ج‌- شخصيهـ مرحه :-

حماده

د- شخصيهـ مثقفه :-

ايلاف

ذ- شخصيهـ طموحه :-

المارد

شخصية حزينة
:-
انتي يا انثى

ويعطيك العافية سلغا

الله يعافيكي يارب

ويسلمو عالاسئله الحلوين منك

Mr. M7MOOD

03-02-2009, 10:13 PM

مرحبا ياحلوين

انا يمكن اغيب يومين هيك

بس اسالو مايهمكم وان شاء الله بس ارجع برد عليكم

تحياتي لعيونكم

باي

رهين الفراق

03-03-2009, 05:12 AM

ههههههههه
خير يا محمود ...

تروح وترجع بالسلامة يا حج

..رهيــــ[[ــن الفــ]]ــراق ...

" حـنآيآ الرgح •●}"

03-03-2009, 11:15 AM

مرحباااااااااا

كيفك محمود؟

ان شاء الله تكون مرتاح معنا

ههههههههه

مم

عندي سؤالين لالك

: ماهو السؤال اللي كان ودك انوو ينطرح عليك؟

: ماهو انطباعك عن الصوره

http://www.9ll9.com/up/uploads/fb7d502a3b.jpg

ويعطيــــــــــــــــــك العافيه

ودي

,,,,,,,,,,,,,,

Mr. M7MOOD

03-03-2009, 11:19 AM

مرحباااااااااا

كيفك محمود؟

يعني ماشي حالي الحمد لله على كل شي

ماهو السؤال اللي كان ودك انوو ينطرح عليك؟

هههههههه هاد السؤال والله الشباب مش مقصره بشي دبحوني اسئله
ههههههههه يعطيهم العافيه

: ماهو انطباعك عن الصوره

http://www.9ll9.com/up/uploads/fb7d502a3b.jpg

رمل وبحر وشمس وغروب ممممممممم كتير اشياء بتعني بتحس الشمس لما تنزل اكتر بتشيل هم معاها وبتشيل تعب معاها والرمل بيدفا اكتر

ويعطيــــــــــــــــــك العافيه

ودي

,,,,,,,,,,,,,,

يسلمو حنان

تحياتي ليكي

ديــــالا

03-03-2009, 02:38 PM

اوكي محمود رح اسال انشالله بترجع بالسلامة؟

*آخر شخص تتذكره قبل ما تنام ؟

*ما هو اصعب قرار .. اخذته بحياتكــ ..!

*ماذا تفعل عندما يبتعد عنكِ اقرب وأغلي الناس لكِ؟

*الجمال اشى اساسى عندك بتتألق فيه المرأة ولا كيف؟؟

*لو بدك تغير اسم المنتدى شو بتسميه؟

تشاااااااو

لؤلؤة جلاسيرا

03-03-2009, 05:04 PM

يلا يا محمود جاوب

شهر زاد

03-04-2009, 06:20 AM

مرحبا محمود
عندي كم سؤال:
1- حلم لا تستطيع تحقيق ؟
-شخص ما بتقدر تسامحه ؟
-متي يستطيع محمود انا يقول لاء ومتي لا يستطيع ان يقول لاء؟؟
-اخر شخص تتذكره قبل ما تنام؟
-كلمة بتحب تسمعها كل يوم ؟
وتحياتي الك..
شهر زاد

دمعة حنين

03-04-2009, 04:03 PM

اهاااااااااا اوكي يلا محموووووود
جااوب علي الاسئلة

Mr. M7MOOD

03-04-2009, 04:46 PM

اوكي محمود رح اسال انشالله بترجع بالسلامة؟

*آخر شخص تتذكره قبل ما تنام ؟

ما بفكر بحد بس اخر شي بفكر فيه قبل ما انام كل حاجه عملتها اليوم نفسو وبشوف كيف كنت اليوم بقييم نفسي يعني

*ما هو اصعب قرار .. اخذته بحياتكــ ..!

ما بعتقد اني لهلا اخدت قرار مصيري بحياتي او قرار اثر على حياتي بصوره هيك كبيره

*ماذا تفعل عندما يبتعد عنكِ اقرب وأغلي الناس لكِ؟

اكيد بقلق كتير وبدايق كتير وبضل افكر فيه كتير كتير لانك متل ما حكيتي اقرب والغى الناس

*الجمال اشى اساسى عندك بتتألق فيه المرأة ولا كيف؟؟

ممممم مش اساسي بس بصوره كبيره بحب المراه الجميله واللي بتحس انها بجد مراه بانوثتها وبكل شي فيها من مشاعر واحاسيس بس الجمال بيمثل شي كبير بالنسبه لشريكت حياتي

*لو بدك تغير اسم المنتدى شو بتسميه؟

مممممم ما بعتقد اني اغيرو لاني انا متفق عليه من الاول وحبيتو كتير لانو متميز عن غيرو من اسامي تانيه

تشاااااااو

يسلمو ديالا

على فكره انا بحب اسئلتك

تحياتي ليكي

Mr. M7MOOD

03-04-2009, 04:50 PM

مرحبا محمود
عندي كم سؤال:
1- حلم لا تستطيع تحقيق ؟

مممممم كتير احلام الواحد بيحلم فيها بس معي حلم من وانا صغير اني نفسي اطلع احترف والعب كوره بالخارج وهاد لهلا معي واكيد مش هيتحقق هههههه

-شخص ما بتقدر تسامحه ؟

اكيد كل واحد غلط بحقي وخصوصا لو كان على ظلم كمان

-متي يستطيع محمود انا يقول لاء ومتي لا يستطيع ان يقول لاء؟؟

الساكت عن الحق شيطان اخرس وانا ما بحب اشوف غلط واسكت اعتقد الاجابه وصلت

-اخر شخص تتذكره قبل ما تنام؟

جاوبت على السؤال هاد من شوي شهرزاد لديالا

-كلمة بتحب تسمعها كل يوم ؟

الله يرضى عليك من ماما

وتحياتي الك..
شهر زاد

يسلمو شهرزاد عالاسئله الحلوين

تحياتي لعيونك

لؤلؤة جلاسيرا

03-04-2009, 04:58 PM

حلو يا محمود انو بتتزكر شو عملت بيومك

تلميذة الأيام

03-04-2009, 05:01 PM

مسـا الخير

1-لو سافرت لمكان بعيد كتيرر وخيروك انو تاخد شي واحد بس معك شو
هاد الاشي؟؟

2-لديك 3 باقات من الورد لمين بتهديها
3-شو بتعنيلك هدول الكلمااات :
وطن يذبحه اهله,,
عيون باكية ,,
طموح لا تستطيع تحقيقه

4-في الحب في اغلب الاحيان قصص تكون البداية دائما
بلغة العيون لكن على النت وبما انو ما في نظرااات في شي اسمه كلمااات بين السطور .. يا ترى هل جربته او مر عليك هاد الشي ؟؟

وبس.............

زهرة الثلج

03-04-2009, 05:10 PM

مغلبينك الاعضاء يا محمود

ملاحظة : كل اامتابعة بنات هههههههههههههه ( ابسط يا عم :) )

زهرة الثلج

03-04-2009, 05:11 PM

من خلال ردودك يعني ما عليه للتطفل

الانسانة الي انتا حبيتها مش مستاهلة كل الحب الي انتا حبيتوا الك

السؤال بئى ههههههههه

هل شعرت ف يوم من الايام انها تحبك ؟؟ وتبين انها لا تحبك ؟؟

عارفة خسارة بس لو انك اكبر مني ههههههههههههههههه
ههههههههههههههههههههههههههههههههههههههههه

Mr. M7MOOD

03-04-2009, 05:16 PM

مسـا الخير

1-لو سافرت لمكان بعيد كتيرر وخيروك انو تاخد شي واحد بس معك شو
هاد الاشي؟؟

اكيد كتاب قرآن

2-لديك 3 باقات من الورد لمين بتهديها

اانثى الوجع

كوجاك ومارتن وشادي والماجيك

وحماده

3-شو بتعنيلك هدول الكلمااات :

وطن يذبحه اهله,,

ااااااااااااخ يا قلبي ما بحب احكي عن الوطن لانو بجد ما ضل فيها لا وطن ولا شعب واحنا بنستاهل كل يلي بسير فينا ازا احنا مش ناصرين بعض كيف بدنا ربنا ينصرنا

عيون باكية ,,

اكيد اصعب شي وبياثر كتير علي وما بحب اشوف حد بيبكي قدامي لاني هبكي معاه وخصوصا لو كان عزيز علي
طموح لا تستطيع تحقيقه

4-في الحب في اغلب الاحيان قصص تكون البداية دائما
بلغة العيون لكن على النت وبما انو ما في نظرااات في شي اسمه كلمااات بين السطور .. يا ترى هل جربته او مر عليك هاد الشي ؟؟

اكيد جربتو وما بعتقد ما فات عالم النت وما جربو اكيد في كلام كتير بيدل على كل شي بس الواحد بيكون شاطر وحدئ ليفهم ازا كان هاد الشي صادق او كدب

وبس.............

تسلمي يا عسل على الاسئله الحلوين متلك

تحياتي لعيونك

والورده ما تنسيها ههههههه

Mr. M7MOOD

03-04-2009, 05:20 PM

من خلال ردودك يعني ما عليه للتطفل

الانسانة الي انتا حبيتها مش مستاهلة كل الحب الي انتا حبيتوا الك

السؤال بئى ههههههههه

هل شعرت ف يوم من الايام انها تحبك ؟؟ وتبين انها لا تحبك ؟؟

ههههههههههههه ماشي يا زهره هوا هيك بالزبط يلي سار كنت بفكرها بتحبني بعد هيك تبين غير هيك شي

عادي اكيد كل واحد الو احساسو وشعورو

عارفة خسارة بس لو انك اكبر مني ههههههههههههههههه
ههههههههههههههههههههههههههههههههههههههههه

ههههههههههه

عادي اصغري ههههههههههه

ربنا يهنيكي وبيسطك وتلاقي يلي يحبك بجد ويخلص الك

بس شو اعمل بانو المتابعه بنات الشباب كلهم بعرفوني ههههههههه

ديــــالا

03-04-2009, 05:36 PM

مرحباا خيوو

*شو اجمل صدفة صارت بحياتك؟

*هل فقدت شيئا بعد ان امتلكته؟

*شو اكتر غنية بتحبها ولمين بتهديها ومين بتتذكر لما تسمعها؟

لمين بتحكي:

يا غايب ليه ما تسال

اشتقنالك

Mr. M7MOOD

03-04-2009, 05:46 PM

مرحباا خيوو

*شو اجمل صدفة صارت بحياتك؟

ممممم صدفه مره كنا طالعين طشه انا وحماده ومارتن وحارس على غزه كنا اربعه وصلنا غزه 16 هههههه شوفنا يومها كل صحابنا وبجد كانت طشه كتير حلوه وضحك وهبل ومسخره ههههههه هاد بجد صدفه كتير حلوه

*هل فقدت شيئا بعد ان امتلكته؟

ممممممم لا ما بعتقد هاد الشي سار وكل شي امتلكتو وراح الله يساهل عليه والدنيا ما بتفق على شي معين

*شو اكتر غنية بتحبها ولمين بتهديها ومين بتتذكر لما تسمعها؟

بحب اغنيه وحشتيني لعمرو دياب ولما بسمعها بفتكر وحده كنت اعرفها واكيد بهديها الها لاني بعزها الكتير البنت هاي

لمين بتحكي:

يا غايب ليه ما تسال

مممممم ما في حد معين

اشتقنالك

بحكيها لاخي المسافر

يسلمو ديالا

تحياتي ليكي

كيندا

03-04-2009, 06:49 PM

انوو عجبتنى بعض ردودك لانى ما لحقت أقرأ كل الأسئلة بس تعجبنى :)
وجاية ومعى خمس أسئلة ....

1- بحياتك أسئت لشخص وكنت سبب بتعاستو ؟

2- ممكن تكون شب متل أغلبية الشباب بتلعب بقلوب البنات ؟

3- الحياة أعطتك ما بتتمنى ولا !.؟؟

4- شئ بتعتبرو نقطة ضعفك وشئ بتعتبرو نقطقة قوتك ؟

5- شخص بحياتك مستحيل تنسـاه

بتمنى أكون مضيفة خفيفة :):)
تحيـــاتى

Mr. M7MOOD

03-04-2009, 07:25 PM

انوو عجبتنى بعض ردودك لانى ما لحقت أقرأ كل الأسئلة بس تعجبنى :)
وجاية ومعى خمس أسئلة ....

1- بحياتك أسئت لشخص وكنت سبب بتعاستو ؟

الحمد لله اكيد لا

2- ممكن تكون شب متل أغلبية الشباب بتلعب بقلوب البنات ؟

يمكن كنت هيك بس مش قصه نلعب او شي هيك بس خلص الواحد كان في بحياتو نقص وبدو يحاول يمليه وما كان الا النت والاشياء هاد هيك وكمان الامور كانت تكون ميسره وسهله عالعموم الحمد لله بطلنا هيك اشياء هي فترة وعدت وانا اكتر فنره هاي بعمري ندمان اني عملت فيها هيك

3- الحياة أعطتك ما بتتمنى ولا !.؟؟

ما بعتقد بس الحمد لله على كل شي

4- شئ بتعتبرو نقطة ضعفك وشئ بتعتبرو نقطقة قوتك ؟

نقطتي قوتي اني صريح وما بعصب بسرعه وبفكر بالاشياء قبل ما اعملها يعني حكيم شوي ونقطة ضعفي قلبي لاني بسامح كتير وما بكره حد

5- شخص بحياتك مستحيل تنسـاه

اكيد اصحابي وكتير ناس بيعزو علي ما بنساهم ومافي شخص بعينو يعني

بتمنى أكون مضيفة خفيفة :):)
تحيـــاتى

اكيد كيندا من يومك عسل ولو

هههههههههه

تحياتي لمرورك

imported_فارس الحسناء

03-05-2009, 05:32 AM

صباح الخير للجمع

أسالتي

هل تحب لأخيك ما تحب لنفسك ؟
هل تعامل نفسك بما تعامل به الآخرين وبالذات في حال العقاب إذا كنت في موقع مسؤولية ؟
هل أنت مستعد للموت ؟
ما هو هدفك في الحياة ؟
هل أحببت في حياتك ؟ إذا كان الجواب نعم فهل هو حب صادق ؟ وإذا لا فما هو الحب بنظرك ؟

حبي واحترامي للجميع

قلب المحيط

03-05-2009, 11:05 AM

وعدنا من جديد هع هع هع
كيفك يا عسل .....

ماهي افضل طريقه في نظرك للتعبير عن الحب ؟؟

ما الذي ينقصك بكل صراحة ؟؟

برأيك أين تكمن قوتك واين يكمن ضعفك ؟؟

تحياتي ليك ولصراحتك .....

ديــــالا

03-05-2009, 12:42 PM

*اكتر اسم بالبنات غالي على قلبك؟؟

* لو رجع الزمان فيك للوراء / شيء ستغيريه ..ما هو؟؟؟

*من هو اقرب الاعضاء او المشرفين لك؟

*اي الدول تتمنى ان تزورها؟

*هل ممكن ان تتراجع بوعد وعدته لشخص ما؟

Sew@r

03-05-2009, 01:01 PM

اجوبتك حلوة كتير محمود

واسئلتي هيا

شو هوا الجانب الي في شخصيتك وبتحاول تخفيه؟

هل تؤمن بوجود الثقة بوقتنا هذا؟

بتعتقد انو الحب قرار او قدر؟

شو هيا مواصفات فتاة احلامك؟

ليش اخترت اسم جلاسيرا للمنتدى؟

G!rL TEARS

03-05-2009, 04:41 PM

يسلمو جيرل تيرز عالاسئله

بس ممكن كلمه صغيره حابب احكيها الك

الملافظ سعد وياريت تنتقي كلماتك بدقه

تحياتي ليكي

اول شي يسلمو على اجاباتك

تاني شي اسئلتي مافيها اي شي وكانت عادية جدا ومش نسخ ولصق بس المشكلة بالناس كيف بتفهم الاسئلة :)

تالت شي استنتجت من طريقة اجاباتك على اسئلتي انك واحد مغرور جدا:)

نصيحة اخوية انو من تواضع لله رفعه

^^

ديــــالا

03-05-2009, 04:57 PM

مسا الورد

كنت حابة احكيلك شغلة

اجاباتك كتير رائعة

تفكيرك منطقي..!!

وشخصيتك حلوة كتير بجد

كان اسبووع حلوو كتير

الله يوفقك..

Mr. M7MOOD

03-06-2009, 08:02 AM

صباح الخير للجمع

أسالتي

هل تحب لأخيك ما تحب لنفسك ؟

اكيد هاد الشي مابدو سؤال لهيك انا بحس حالي راضي عن نفسي

هل تعامل نفسك بما تعامل به الآخرين وبالذات في حال العقاب إذا كنت في موقع مسؤولية ؟

لا طبعا لاني انا بعاق بنفسي اكتر ازا غلطت وقتها لاني انا بعتبر كقدوه ليهم لاني متل ما حكيت انتا انا بموقع مسؤليه ولازم اكون انا الطريق الصحيح ليهم

هل أنت مستعد للموت ؟

ممممممممم ما بعرف بس بصراحه لسه

ما هو هدفك في الحياة ؟

هدفي اني اخلص جامعه واسافر واشتغل واحقق كل ما بتمنى

هل أحببت في حياتك ؟ إذا كان الجواب نعم فهل هو حب صادق ؟ وإذا لا فما هو الحب بنظرك ؟

اها احببت واكيد كان صادق

حبي واحترامي للجميع

يسلمووو يا مان عالاسئله الحلوه

تحياتي ليك

Mr. M7MOOD

03-06-2009, 08:11 AM

وعدنا من جديد هع هع هع
كيفك يا عسل .....

تمام يا قمر

ماهي افضل طريقه في نظرك للتعبير عن الحب ؟؟

مممممممم الفعل مش الكلام وبس

ما الذي ينقصك بكل صراحة ؟؟

ممممممممم اني اعيش شوي مرتاح

برأيك أين تكمن قوتك واين يكمن ضعفك ؟؟

قوتي بصراحتي وبثقتي بنفسي وعدم خوفي من حد وضعفي ما بعرف بس بطيبة قلبي لاني بسامح

تحياتي ليك ولصراحتك .....

يسلمووو يا عسول على الاسئله الحلوين

Mr. M7MOOD

03-06-2009, 08:15 AM

*اكتر اسم بالبنات غالي على قلبك؟؟

يارا

* لو رجع الزمان فيك للوراء / شيء ستغيريه ..ما هو؟؟؟

اني ما حبيت يعني اضل بدون حب

*من هو اقرب الاعضاء او المشرفين لك؟

الاقرب كتير في حماده وشادي وكوجك ومارتن والماجيك

*اي الدول تتمنى ان تزورها؟

فرنسا او لندن او سوريا

*هل ممكن ان تتراجع بوعد وعدته لشخص ما؟

ممكن اتراجع ازا بجد كنت مش قادر وغصب عني
لازم اتراجع عنو لاني بردو انسان وبمر بظروف ممكن تغير كل شي بلحظه

يسلموووو ديالا عالاسئله الحلوه يا حلوه

Mr. M7MOOD

03-06-2009, 08:20 AM

اجوبتك حلوة كتير محمود

واسئلتي هيا

شو هوا الجانب الي في شخصيتك وبتحاول تخفيه؟

مافي انا واضح جدا وما في شي بخفيه لاني عاجبني حالي والحمد لله يعني على هيك شي

هل تؤمن بوجود الثقة بوقتنا هذا؟

اكيد رغم قلتها بس المهم نعرف بمين نثق بجد ومو اي انسان صاحب

بتعتقد انو الحب قرار او قدر؟

الحب قدر من ربنا بيجي بقلوبناوقرار بنفس الوقت انو انتا تبادر بهاد الحب

شو هيا مواصفات فتاة احلامك؟

انها تكون فتاه هههه يعني انها تكون انثى فيها جميع مواصفات المرآه الحقيقه من جمال وطيبه ورقه واحساس وكل شي

ليش اخترت اسم جلاسيرا للمنتدى؟

لانا حبينا نكون اسم متميز وبيختلف عن الاسامي التقليديه

يسلموو سوار على المرور

تحياتي ليكي

Mr. M7MOOD

03-06-2009, 08:24 AM

اول شي يسلمو على اجاباتك

تاني شي اسئلتي مافيها اي شي وكانت عادية جدا ومش نسخ ولصق بس المشكلة بالناس كيف بتفهم الاسئلة :)

تالت شي استنتجت من طريقة اجاباتك على اسئلتي انك واحد مغرور جدا:)

نصيحة اخوية انو من تواضع لله رفعه

انا عمري ما كنت مغرور وعمري ما حبيت اكون مغرور واكيد انا متواضع جدا والحمد لله بس ليش الثقه بالنفس بنعتبرها غرور

^^

عالعموم اهلا وسهلا بيكي من جديد
وتحياتي ليكي ولتوضيحك